Eg har sett meg føre å bake meg gjennom ein del av oppskriftene i "Brød fra hele verden". No er det ikkje så lett å følgje oppskriftene slavisk. Eg er ofte anten for rask, eller så vil eg ikkje skitne ut meir eller ha i fullt så mykje salt t.d. Kvifor bruke ei skål til å røre ut gjær og vatn i når du kan gjere det rett i bakebollen? Boka opererer med tørrgjær, men oppgjev heldigvis alternativt hevemiddel, fersk gjær. Men no veit eg korleis eg skal bli kvitt tørrgjæren min; til hevedeig!For å lage dette brødet, måtte eg kjøpe maltekstrakt. Det vart ei leiterunde i butikken. Den logiske plassen for meg var saman med sirup og andre bakesaker. Men, nei, til slutt fann eg det i vitaminhylla.
Vurdering: Sjølv om eg brukte litt meir mjøl enn i oppskrifta, flaut brødet mitt meir ut enn det på bildet. Men smaken er god, og skorpa sprø og nydeleg!Kommentar frå gourmetguten: Sånne brød må du lage!
3 kommentarer:
Då du var baby, fekk du i deg mykje maltekstrakt, sidan det var ein av ingrediensane i flaskemelka du fekk.Men før du slutta heilt med flaske, kom morsmelktillegget i pulverform. Så no kan du stadfeste det, sånn omtrent.Maltekstrakt vart også brukt som "kosttilskot", og i brød på den tida.No er det lenge sidan VI har hatt det i hus.
Eg brukar stort sett BERRE tørrgjær, det er på grunn av lang lagring. Tørrgjær er like god som anna gjær, men du må bruke varm nok deigvæske!
Det er meir liv i vanleg gjær, meiner no eg. Eg bakar heile tida, så gjæren vert ikkje for gammal her. Men litt raud tørrgjær har eg i reserve, ja, i tillegg til alle desse blå som heng seg på mjølblandingane.
Legg inn en kommentar