Basert på bestseljar

Denne DVD-en plukka eg med meg frå ei sjappe i Sverige. Eg hadde store forventningar til filmen som hadde gjort det så skarpt i Frankrike.

---

Filmen startar godt. Her er nerve og spenning. Og sjølv om eg ikkje forstår "eit ord" fransk, let eg meg rive med.

---

Etter kvart vert det litt mange mord, og fiendebildet vert litt komplisert. Det er no thrilleren sin natur. Men oppklaringa verkar noko søkt i filmen. Dessverre har eg ikkje lese boka på førehand. Eg er sikker på at komplottet fungerte betre der. Og at tempoet i forklaringa gjorde den meir forståeleg. Harlan Coben har eg som kjendt stor sans for.

---

Sjå filmen;-)

Dansk motstandskamp

Øystein fekk denne filmen til fødselsdagen sin, men vi har ikkje teke oss tid til å sjå han før no. Den yngste generasjonen var fascinert av Max Manus. Derfor meinte dei at denne filmen ville vere noko for faren. Hm, filmen vart vist i kjellaren først.

--

Som meldinga i VG er inne på, må hisoria reviderast. Heltane vert skildra nyansert.

--

Eg likte denne filmen fordi den stiller viktige spørsmål. Når det er krig, skal ein lyde blindt eller tenke sjølv? Kven kan ein stole på? Kva motiv har folk?

--

I motsetnad til i Max Manus kjenner vi ikkje historia frå før, så her er det spenning frå byrjing til slutt. Filmen vart svært populær i Danmark.

--

Eg anbefaler alle (over 15 år) å sjå filmen, også dei som ikkje var så begeistra for Max Manus.

Fin film - men les boka først!

Det seier seg sjølv at når ei bok på 480 sider skal bli til ein film på 1 1/2 timar, må mykje verte vekk på vegen. Filmen tek føre seg livet til Nazneen i perioden før den planlagde flyttinga attende til Pakistan. Der er tilbakeblikk til barndomen, og ho fortel om første tida til Karim. Men søstra sine brev kjem berre så vidt fram.

---

Personane er slik ein har sett dei føre seg. Og tilbakeblikka til Bangladesh viser vakker natur. Eg anbefaler alle å lese boka og sjå filmen etterpå!

Varg Veum

No har eg sett filmar, lytta til lydbøker og lese bøker om Varg Veum: Konklusjon?

Varg Veum er best på lydbok! Lese på bergensdialekt, får ein Staalesen sin sarkasmar og språklege blødmer slik dei skal vere.

Filmane er absolutt grei krim! Men Varg er for pen og manglar dialekt. Det visste vi på førehand. Også at filmane er lagt til vår tid. Heilt flott så lenge ein ikkje har lese bøkene. Men vi likar Varg, og Floberg er flott som Hamre. Eit sammansurium av dialektar gjer at ein lurer på om filmane er laga for utlendingar! Eg trur ikkje eg har lese dei første bøkene. Dei som har gjort det meiner dei er omskrivne. Først i siste scena i tredje filmen tyr Varg, og Hamre, til flaska.

Not without my daughter

Denne gjorde eit sterkt inntrykk på meg på 80-talet ein gong. Det var den tida bøkene heitte "Den brennende sengen" t.d. Kan eg ha lese boka som ei framhaldsforteljing i eit vekeblad?

For ei vekes tid sidan dukka det opp nye TV-kanalar her, TV-Norge, TV2 Nyhetskanalen og TV2 Filmkanalen. På den sistnemde gjekk filmen i dag. Sally Field spelte hovedrolla og Alfred Molina (Kva kontinent har ikkje han kome frå? Alt frå grekar til søramerikansk skurk og her iranar) ektemannen. Filmen svarte heilt til forventningane.