I ei stor panne med teflonbelegg, 10 liter trur eg ho er, hadde eg:3 1/2 kg lammekjøt (viste det seg)
1 liter vatn
2 middels store kålhovud
2 ms salt
rikeleg med heil pepar
Framgangsmåte: Legg lagvis og lat retten koke minst to timar.
Eg er ikkje av dei som liker fårikålen best oppvarma. Derimot vil eg gjerne ha kål som ikkje har kokt ut i kålen. Så eg ventar cirka ein time med å legge på siste kålhovudet. Etter eit par timar set eg på poteter og heller jamning over fårikålen. Dette gjev ein tynn saus.
Jamning:
3-4 dl vatn
1 dl kveitemjøl
Rist jamninga i eit glas og hell over.
Fårikålens venner har lagt ut oppskrift der du kan endre oppskrifta til så mange porsjonar du vil lage.P.s.
Viss det vert noko att til i morgon, takkar eg sjølvsagt ikkje nei til oppattvarma fårikål etter jobb i morgon!
4 kommentarer:
Du lagar fårikålen om lag slik som mor di.Ikkje verdens mest spennande rett akkurat, men godt eit par gonger for året. For å få litt meir smak har vi eksperimentert med å salte kjøtet ei stund før koking;no ser eg at Gunda brunar det litt. Det viktigaste er å ha godt kjøt, og det bør vere både magre og feite stykke. Det er i feittet smaken sit, så EIN gong for året......
Eg har planar om å salte noko kjøt og lage det dei i Bergen kalte puspas eller noko liknande eller Irish stew? Dette for å få bruke andre grønsaker.
Eg hadde også fårikål i dag! Men eg vil gjerne ha kålen i panna heile tida. Snakk om feite saker, forresten, eg tok vekk knapt 4 dl med feitt på toppen av krafta før servering.... Det var feitt nok igjen likevel;)
Eg ser i all fall ingen grunn til å ha smør i panna slik som står i gamle oppskrifter. Det har kanskje noko med gamle panner å gjere.
Legg inn en kommentar