Restar og reise

I dag stod eg tidleg opp og skyssa yngstemann og ein lagkamerat frå Ulsteinvik som overnatta her, til Norway Cup-bussen på ferjekaia.

Tidlegare i veka var eg til lege med guten. Han fekk konstatert det vi hadde mistanke om; brennkoppar. Han fekk penicillinkur med håp om å bli bra til Norway-Cup. Kuren gjorde underverker. No er han smittefri og fin. For å sitere ein av lagleiarane: "Det er visst verre sykjer å bekymre seg for no". Ja, ja, det er ikkje kjekt å få øydelagt leiren/turneringa ein har gledd seg til nesten eit år. Dei på Gloppen hadde visst vore der sidan onsdag, og halv leir er vel betre enn ingen?

No får vi håpe at Norway Cup vert spart for svineinfluensautbrot! Eg er no redd for smitteeffekten. Etter kvart som svineinfluensaen brer seg, så kan alle slags ranglesykjer verte mistanke om farleg sjukdom.

Dagens resterettar vart pastasalat, rett nok laga i går, og pizza. Der var att så mykje fyll at pizzaen vart svært lik gammaldags laurdagspizza, slik som ein no gjer narr av. Men god var den. Botnen er laga på vatn og olivenolje. Plata er pensla med olivenolje. Eg steikte dei på 15 min. ved 225 grader på pizzafunkjon. Det gav sprø botn. Osten var restar frå Prix.