Eg var ikkje heilt fornøgd med konsistensen på marengsbotnen eg laga før helga. Smaken var grei, men den vart litt klissete. I dag ville eg prøve på nytt.Ha 4 dl sukker og 4 eggekvitar i ein bolle og pisk stivt.
Brei marengsmassen utover ei bakepapirkledd langpanne (steikebrett går bra).
Steik midt i omnen på 150 grader i ca ein time.Denne marengbotnen vart sprø og fin. Då er det berre å dele han i to og fylle med krem, vaniljekrem, frukt og/eller bær etter smak. Slike botnar står seg godt.
I nokre oppskrifter står det at ein skal piske eggekvitane først og så ha i litt og litt sukker. Det går bra, men Kenwooden er så kraftig at det ikkje er nødvendig.
4 kommentarer:
hmmm, den pavlova eg laga skulle steike 2 timar, kanskje ikkje nødvendig?
Denne er i alle fall eg fornøgd med. Men ein kan vel ha lågare temperatur og lenger steiketid for å tørke den betre.
Eg piskar alltid eggekvitane utan sukker først-heilt stive og så har eg i sukker og piskar enda meir.Men kanskje eg anstrenger meg for mykje?
Ein kan no gjere det for å vere på den sikre sida,det spørs sikkert miksaren.
Legg inn en kommentar