Rosestiklingar steg for steg

Eg har fått spørsmål om ein verkeleg kan formeire roser sjølv. Eg har i alle fall gjort det. På nettet har eg funne ut at den vanlege måten å formeire rotekte roser på, er å ta stiklingar.

Først får rosene pynte opp inne.  Eg veit ikkje om det er nødvendig, eller om ein berre kan ha dei rett i jorda.  Eg meiner eg har gjort begge delar.

Når rosene begynner å drysse, kuttar du hovudet av dei og set dei i jorda.  Rosene må ha to bladsett.  Pass på å vatne første dagane om det ikkje regnar slik som i natt.

Dette er ei rose frå i fjor.  I dag oppdaga eg ein knupp!  Eg fyller på med kugjødselkompost om våren.

Denne Aloharosa er to eller tre år gammal.  Ho står på kanten av skvåsjåkeren og får mykje god kompost- og kugjødselkompost.  Det er frå denne planten rosene er plukka.

Viss eg er heldig, får eg ein del roser etter kvart.  Eg gjer ikkje dette for å "spare" eller "tene".  Eg gjer det fordi det er artig å få det til.  Blogglesarar må gjerne kome med kommentarar, råd og tips.  Eg er amatør!