Inspirert av "Ingrids matminner" s. 151 laga eg denne desserten medan fiskeforma mi stod i omnen. Kanskje det ikkje er berre eg som har nokre eple att frå jul? Til denne retten fekk eg brukt litt juleneter, og ikkje minst fekk eg avsetnad på den siste fløytepakken etter nyttårshelga.
Eigentleg treng ein ikkje oppskrift. Men det kan no vere greit å ha eit utgangspunkt:
8 eple
3 ms smør
4 ms rosiner
3 ms hakka neter
1 ms sukker
Bland saman alt og stikk det ned i epla som du har tatt ut kjernehusa av.
Steik ved 175 grader i 15-20 minutt. (Mine fekk stå 10 minutt ekstra.)
Viss eg skal lage retten ein gong til, kjem eg til å dele epla i to. Då ville eg lagt rosinene i botnen. Dessutan ville eg brukt mindre smør og meir hakka neter!
4 kommentarer:
Dette er ein dessert som mamma laga i min barndom,men den gongen var det berre sukker og kanel i holet. Seinare har eg laga det av og til-det går fint med små porsjonar i mikrobølgeomn.Ein av favorittdessertane mine.
Dette er ein dessert som mamma laga i min barndom :)
Kommentaren her var: Det var som å få berre epla i eplekake! Og det var positivt meint....
Eg hugsar ein gong då vi var små. Då laga mamma denne desserten til fødselsdagen til bror min.Naboguten gret fordi vi ikkje fekk gelé.( Han kunne vel vere ca 5 år.)
Legg inn en kommentar