Som blogglesarane kanskje har fått med seg, føler eg behov for ein bytur i veka. Då gjeld det å ha eit ærend så ein får lufte seg litt. Ærendet i dag var å studere utvalet av brødbakemaskiner på Blåhuset. For trur de ikkje at etter at foodprosessoren hadde stått på benken ved sida av brødbakemaskina nokre dagar, så slutta ho å steike. Sidan både forma og skovlene er utslitne, løner det seg å kjøpe ny maskin. Utvalet på El-kjøp var skuffande. Dei hadde berre ei lita maskin. Så då er det betre på Hareid!
Men litt handelslekkasje vart det likevel. Eg fann eit Cemo-krydder eg ikkje har prøvd. Kanskje det er godt til fisk i karrisaus t.d.? På Kid fann eg ei papirkorg til halv pris. Den gamle får de ikkje sjå, men dei som har vore på besøk, forstår nauda.
I morgon slår butikkane på Hareid til med sal og utdeling av gåvekort. kanskje de hugsar kven som vann i fjor?
1 kommentar:
Kjekt å handle litt,ja! Fin korg og krydder har ein jo bruk for. I dag blir det skogs/fjelltur på meg og ikkje shopping i gata. Reknar med at det blir litt handel i haustferien om ei vekes tid. Elin vil til Åsane og Audny til Ålesund, så kansje det blir begge delar på meg... Ha ein fin laurdag!
Legg inn en kommentar