laurdag 21. november 2009

Fellesfeiring


I dag har vi feira morfar og minstemann på Møre som begge har geburtsdag i november.  I tillegg til ei Kiss-T-skjorte hadde vi kjøpt ei bok om store oppdagarar.  Gutane her i huset likte godt ulike faktabøker i den alderen.

Ein annan tradisjon i familien er julemiddag denne dagen.  Moren er annleis i indre strøk enn i ytre.  Her på Øya er det Brudevollmôr, medan i Ørsta/Volda er det Jacobsen/Melle-môr som tel.  Dei er gode på kvar sin måte.

Det vil seie, eigentleg bør ein lage môr sjølve.  Akkurat som lefser og flatbrød, bør môren vere heimelaga.  Eg melder pass!  Sjølvsagt kunne eg tenkt meg å lære å lage pølser og môr.  Men med full jobb med engelskstilar, bokmålsstilar, nynorskstilar og andre prøver i tillegg til julegåvekjøp og førjulsaktivitetar, så strekk ikkje tida eller energien til.  Eg prøver å avgrense matlaginga til det eg synest er kjekt.

6 kommentarer:

arieldog sa...

Vi las i boka på heimveg, og den er veldig fin! Takk for ein koseleg dag!

Besta sa...

Eg må korrigere litt. Denne gongen var pølsene frå Melle i Ørsta til ei forandring.

solveig sa...

Eg får legge inn ei korrigering, men gode var dei!

Anonym sa...

Akkurat det der er viktig, å begrense seg til det ein syns er kjekt. Bra jobba. Vi brukte også lenge Jakobsen-mår, den er veldig god. No blir det mest Brudevoll, bussfrakta med bestefar.

Besta sa...

Her i Ørsta er det mest eksklusive HEIMELAGA Vigra-mør. Eg har ein kamerat som refsar meg fordi eg ikkje er i stand til å bringe fram denne delikatessen. Sist eg trefte han, hadde han gått til innkjøp av 10 meter ekte tarmar. Eg står over.Brudevollmoren er veldig dyr å kjøpe "i smått". Men god!!!

solveig sa...

Som sagt, dei får halde på som synest det er kjekt! Elles skal eg ha meg ein tur innover på handel før jul: Eg kan tenke meg begge sortar morr/pølser...