søndag 4. mai 2008

Brødposar

Dei siste to vekene har elevane mine jobba med eit opplegg Signe og eg utarbeidde då den nye planen kom og elevane m.a. skulle "skape, utvikle, gje produktinformasjon". Vi kom fram til at dei etter kvart burde vere trygge i gjærbakst, og sette dei derfor til å lage brødoppskrift, bake grovbrød og designe brødposar. På baksida av posen er det brødmerke med % grovt mjøl og ingrediensar etter rekkefølge.
Mange har namnet sitt i namnet på brødet. Denne jenta har også fått med slagord.
Denne posen har eg for meg sjølv kåra til årets mest kreative. "Et mattebrødet og du blir eit geni", det spørs om reklamen held det han lovar!

Halvparten av elevane bakar grovbrød og arbeider med brødposen, resten lagar middag etter tallerkenmodellen. Det er eit populært opplegg, men krev at dei får god tid til planlegging. Vi planlegg det over to veker, der halvparten planlegg, og resten lagar mat (wok).

Av og til får ein tilbakemeldingar som gjer at ein føler ein når nokre av måla ein set seg.
"Solveig, oss kjøpte kneippbrød og grovbrød, kneippbrødet var 33% grovt og grovbrødet 34%!" Eg som hadde sagt at grovbrød skulle vere meir enn 50% grovt! Ja, ja, bakaren kan kalle det kva han vil, men særleg grovt var ikkje det grovbrødet. Eg spurde dei om dei såg på brødmerke før? Nei, men no var dei begynt med det!

2 kommentarer:

Elin sa...

For eit artig opplegg. Jamen er de flinke og kreative!

solveig sa...

Det er kjekt med variasjon om våren. I dette opplegget får dei vise mykje av det dei har lært, det vert som ein tentamen. Ei gruppeoppgåve og ei individuell. I barneskulen slepp de å tenke så mykje karakterar/vurdering.