Bror min og alle av hans kaliber, treng ikkje lese dette innlegget. Men alle som har visst like lite som meg til no, kan ha interesse av dette.Sjølve boksen kom ikkje med på bildet, men den har ein slags harddisc i seg. I dag tidleg valde eg ut nokre program og la dei i ei opptaksliste. Ein kan velje program ei veke fram i tid i alle fall. Kva ein ser på gjennom dagen, har ikkje noko å seie. Vil ein sjå eit av programma, leiter ein det fram på lista og trykker på "spill av". Olaug har sprunge stafett i dag, og no vil ho sjå "Home and ..." - ikkje noko problem!
p.s.
No viser eg fram TV-en. Den skal skiftast ut i nær framtid med ein flatskjerm.
5 kommentarer:
Du får ta deg ein tur innover etter konf. og oppdatere meg på MP3, og faren din på TV.
TV-en skal liksom vere hans arbeidsområde, mens dataen er mitt. Vi held visst på å sakke akterut begge to, og så snart vi har lært oss noko "nytt" er det forelda.
Her måtte det bruksanvisning til. Og så får ein prøve å bruke det, og utvide til litt nytt kvar dag....
Det med å programmere inn det ein vil sjå er utruleg kjekt. Eg kan sjå eitt opptak samtidig som eg ser eit anna. I tillegg kan eg stoppe midt i eit program eg ser t.d. viss telefonen ringer.
Arbeidsdelinga her i huset er at Øystein set inn i alle ledningar, og så får eg fjernkontrollen og bruksanvisninga.
Det er litt slik her også.Men eg er ikkje glad i bruksanvisningar, og det er ikkje far din heller....
Vi har ein vanleg HDD/DVD-opptakar som vi har mykje glede av. Dette er vel noko anna?
Eidabesta
Hm... Vi går rett frå kassett så vi vert vel ekstra imponerte...
Laurdag gjekk korslaget inn i Med hjarte på rette staden. Då er det ikkje noko problem å begynne å sjå på det sjølv om ein tek opp.
Elles ser vi på eitt opptak medan vi tek opp eit anna. Kjempegreier!
Legg inn en kommentar