Eg har dyrka squash, eller skvåsj som det no heiter, i mange år. Det var omtrent før eg hadde smakt det. Sjølve dyrkinga er artig, dei veks omtrent medan du ser på dei. Dei veks seg også ofte altfor store, opp til 4 kg på det verste. Den gule typen stoppar å vekse når den er moden for eting. Gule skvåsj har eg ikkje dyrka meir enn eit par år. Butikkane sel stort sett berre grøne. Fredag var eg heldig å finne frø på Europris. Eg hadde ikkje tenkt at der skulle vere størst utval i frø, men der var tre reolar. Skåsjfrøa skal eg så 1. mai, litt ompotting vert det nok fram til eg plantar dei ut før 1. juni. Dei kjem då i åker under fiberduk til etter jonsok. Jorda må vere næringsrik, gjerne heimelaga kompostjord eller kugjødselkompost.
2 kommentarer:
Europris he litt av kvart..:-)
Vi har sått skvåsj nokre gonger, men får så stor avling at vi må gi bort mykje. I fjor sådde vi ikkje. Finn ikkje så veldig mykje å bruke skvåsjen til.For eit ord forresten..skvåsj. Huff, seier eg berre.
Legg inn en kommentar