ortentrovag

Siste innlegg på denne bloggen?

2010-11-13T23:50:00.001+01:00

Om eg startar opp att, vil tida vise! Slik det er no, får eg ikkje laste opp bilde utan å betale for meir lagringsplass. Prisen er grei, men eg er skeptisk på å gje informasjon om bankkortet mitt. Viss andre har gjort dette og det har fungert greit, så vil eg gjerne høyre om det!

Men kanskje det er tid for fornying? Eg har laga meg ein ny blogg på mi eiga hotmailadresse. Denne bloggen finn de her. Når eg får tid, skal eg kose meg med "utforming".

No håper eg at blogglesarane vil følgje meg på den nye bloggen og etter kvart legge den på blogglistene sine!

Farsdag på forskot

2010-11-13T19:08:00.000+01:00

I år klaffa det, som det ofte gjer, at pappa har geburtsdag på farsdag. Vi valde å feire dagen i dag. Her gjeld det same prosedyre med julemiddag og kaker.

Eg har fleire bilde eg kunne tenke meg å dele medblogglesarane, men får ikkje lov av Google! Eg må betale for større kapasitet! Prisane er det ikkje noko å seie på, men eg forstår ikkje korleis eg skal gjere det! Er det nokon der ute som kan forklare meg?

Brødhistorie

2010-11-12T20:09:00.000+01:00

Denne veka har eg kome heim att sist kvar dag. Andre har laga middag, og eg har berre baka eitt brød i maskina for å halde liv i surdeigen. Når vi driv med lefsebaking, er det interessant å lese litt bakehistorie. I denne boka kan ein t.d. lese kva ei bestyrerinne på ein "husholdingsskole" skriv:

Gammel vane er vond å vende

Det er nok dessværre saa, at man endnu ikke forstaar den Kunst at bage et godt Ovnsbrød, det bliver gjerne for tungt og ufordøyeligt, og det er ikkje for ingenting at Turisterne klager jammerlig over det Brød, som de oftest faar på Landsbygden. Befolkningen selv lider ogsaa derunder; de paadrager sig ofte Kardialgi og andre Maveonder, og saa foretrækker man heller at kjøbe sit Brød færdigbagt end at have det Bryderi at bage det selv og løbe Risikoen ved at faa et daarligt Brød.

Slik kan det ikkje halde fram meiner ho. Til det er brødbaking alt for viktig.

Brødbagning i Hjemmene maa blive mer almindelig ; man faar lære sig til at bage et sundt og godt Brød.

Husmødrene var flinke med kakebakst, så ho meinte dei måtte lære seg å bake brød heime. Året er 1898. Dårleg korn, eller rettare sagt korn med dårleg bakeevne, fekk skulda. Folk heldt fram med å lage flatbrød og hellebrød.

Lefsebaking

2010-11-11T19:53:00.001+01:00

Nokre årvisse hendingar vert nok gjengangarar på bloggen.

I dag starta vi med lefsebaking på skulekjøkenet. Kvar haust dei siste 11 åra har vi fått hjelp av besteforeldre til å bake. Ei og anna gamletante og oldemor dukkar opp, og ein og annan bestefar, men bestemødrene er i fleirtal.

Eg kan ikkje legge ut bilde anna enn av meg sjølv. Her finn de fleire frå 2007.

I fjor hadde vi besøk av avisa.

Oppskrifta vi bruker finn de her.

Skulerestaurant

2010-11-10T20:40:00.000+01:00

På denne skulen får elevane servert varm lunsj kvar dag. Dei fekk servert fisk to gongar i veka. Sjekk denne retten. Det kostar mindre enn kva ein får i barnetrygd for eit barn kvar månad. Ein kan diskutere fram og tilbake fordelar og ulemper med "gratis" skulemåltid. Eg beit meg merke i ei erfaring, den same som vi gjorde oss den tida vi betalte for skulefrukt, nemleg at ungane ville ha meir av denne maten heime.

Bok 52: Finsk krim på nynorsk

2010-11-09T21:09:00.001+01:00

Høyrest ikkje det spennande ut? Det syntest i alle fall eg! Nynorsk krim har eg ikkje lese før. Dessverre spørs det om det vert både første og siste gong. Verken miljøet eller mordgåta fengja meg.

Forfattaren fekk Glassnøkkelen i 2007 for beste nordiske krim i 2007. Blogglesarane må gjerne lese og legge ned protest!

P.S. Eg hadde med boka då eg var vikar lesetime, slik at eg kan lese saman med elevane. De kan no gjete kva fjortisane fekk ut av namnet til forfattaren.

Det beste i livet er gratis?

2010-11-08T20:03:00.000+01:00

På jobb går vi inn i ein av dei travlegaste periodane. Eg kom fram til at i dag var einaste sjansen eg hadde til å nå biblioteket i byen i opningstida. Og sjå kor heldig er var! Bibliotekaren stadfesta at dei som begynner å lese Indridason, vert hekta. Siste Lindell gler eg meg også til!

Det andre ærendet var å kjøpe lang dundyne til yngstemann. Eg veit ikkje kva slikt skal koste, men reknar med at halv pris på Kid er det ein må gi. No har det nye sengesettet kome i vaskemaskina.

Haustserviettar hadde dei ikkje selt mykje av i år, ikkje så rart kanskje? Vinteren kom brått på oss. Serviettsamlinga mi vart to pakkar rikare, så har eg meir å velje i neste gong eg dekkar haustbord.

Bok 51: Mykje nordisk krim for tida

2010-11-07T13:39:00.002+01:00

No må eg berre bryte saman og tilstå: Eg hadde begynt på ein annan roman, men klarte ikkje å halde meg unna Indridason sine krimbøker. Dette er den nest siste, trur eg. Då har eg hoppa over eit par, men det får våge seg. Eg les dei når eg finn dei.

Kvifor likar eg desse bøkene?
- Menneska og miljøa er godt skildra. Dei er truverdige.
- Krimhelten sitt privatliv er interessant og relevant.

I Fjellet er forsvinningar og sjølvmord det dreiar seg om. Kan ein drive eit menneske til sjølvmord? Boka kan også lesast som eit apropos til Åndenes makt. Det meste har ei naturleg forklaring...

I går var eg innom biblioteket. Eg held på å lese noko så sjeldan som ei nynorsk krimbok omsett frå finsk. Noko meir enn ei papirbok rekk eg vanlegvis ikkje å lese i månaden.Men då eg såg andre boka i den danske serien, måtte eg berre ta den med heim. Så no må eg vere flink å sette av tid til å sitte å lese!

Lammefrikassé

2010-11-06T16:08:00.001+01:00

I dag slo eg til med søndagsmiddag på ein laurdag. Journalisten, som gjerne vil ha gammaldags mat, skal til Molde i morgon. Eg tok opp eit par kilo lammekjøt frå frysaren torsdag kveld. Dette kjøtet kokte eg saman med 1 4/4 l vatn, 1ms salt og heil pepar. Ta vekk skummet før du har i peparen. Nokre gulrøter, løk og purrerestar fekk og koke med i krafta.

Medan dette fekk koke på svak varme, gjekk eg meg ein tur på biblioteket. Det er godt å få vere ute i dagslys!

Eg bruker å lage saus av noko av krafta. Her kan ein velje ein mager variant med ristejamning, eller som meg, starte med meierismør og mjøl og spe med krafta. Smak til med meir pepar og eventuelt salt. Blogglesarane har kanskje sine eigne tips for denne sausen?

Her i huset er grønsakpanna som regel like stor som potetpanna. Eg la gulrøter, rabbebitar og kålskiver i botnen av panna. Desse dekte eg med kraft. Brokkolien fekk dampkoke på toppen. All kraft vert spart til suppe seinare.

Server med poteter!

Viss ein skal servere denne retten til mange og der er mange born blant gjestene, kan ein gjerne lage store kjøtbollar til.

Linsepus

2010-11-06T13:04:00.000+01:00

Eg var på veg ut på altanen for å ta eit bilde av veret på Sunnmøre, slik at dei som er på Kongsberg kan få sjå korleis veret er heime. Men der var ei som ville vere med på bildet! Kanskje bildet er like kjekt for gutane som var her i sommar og kosa med dyra?

Noko fint og noko godt

2010-11-05T19:20:00.002+01:00

Ein må unne seg både noko fint og noko godt til helga. I morgon disponerer eg ikkje bil. Frøkna skal på fotballcup, og faren skal køyre. Så eg handla til helga i dag. Fredagane stikk eg gjerne innom Floriss. Ærendet i dag var gravlys til søndag. Det er lenge til eg skal begynne å tenke på jula, har eg bestemt meg for. Men amaryllis må kjøpast i god tid.

Ein kollega fekk smake frukt- og nøttebrødet mitt i dag, og ho meinte det smakte Schakendabrød. I dag laga eg ein liten deig som vart knadd i brødbakemaskina, men heva i ein bakebolle. Brødet var med valneter, aprikosar og svisker. No står to små brød til heving.

Ha ei fin helg!

P.S.

I Trines mektige matblogg, som eg har lagt til i blogglista mi, vil de finne oppskrifter på brød frå Åpent bakeri og Schakenda. I tillegg er der mykje anna godt.

Hareid i fokus - igjen

2010-11-04T18:43:00.000+01:00

Søndag kjem eit program vi lenge har høyrt rykte om. Kanskje eg skal gjere eit unntak å sjå denne type program - sidan det kjem frå Hareid?

Resterettar og 5 om dagen.

2010-11-03T20:21:00.001+01:00

I går var laga frøkna taco sidan ho kjem heim 1 1/2 time før oss andre. I dag var der diverse restar frå denne middagen. Eg laga sei i karrisaus til middag med restar av salat og paprika til dagens salat. Jusen frå ananasboksen blanda eg i jus laga i jusmaskina. Men å var her kjøtdeig att i ei skål. Til kvedsmat laga eg derfor ein enkel pizza. Dagens "kastedeig" gjekk i pizzadeigen, så slepp eg å bake brød. Frysaren er nemleg litt full - igjen ...

Salat monnar ikkje så mykje når det gjeld 5 om dagen. Anne monnar dreg, og med poteter til middag og gulrøter i jusen er ein litt nærare. Frukt får ein som regel i seg nok av. Her i huset går det mykje bananar og anna frukt. Både gulrøter og rabbe er godt å knaske om hausten!

Tjuvjakt i Hareid

2010-11-03T15:24:00.001+01:00

- eller jakta på tjuven - eller tjuveri av jakka
Blogglesarar i heile landet klikk dykk inn på Vikebladet og les!

Byggbrød

2010-11-02T18:20:00.001+01:00

I går baka eg brød etter oppskrifta på baksida av byggmjølpakken. Eg følgde oppskrifta nesten slavisk. Det vil seie eg brukte mindre vatn enn 1,8 dl til 2 kg mjøl. Sjølv om eg etterheva i over ein time, sprakk brøda mine litt likevel. Det gjer kanskje ikkje så mykje.

Elles heva brøda omtrent som vanlege grovbrød. Smaken var heilt grei. I framtida vil eg nok blande litt fleire kornsortar i grovbrøda mine. 50% grovt er litt lite til kvardags, meiner no eg.

Bok 50: Meir islandsk krim

2010-11-01T19:14:00.002+01:00

For meg er vel dette det næreste ein kjem "slukebok". Om innhaldet kan de lese her.

Det kan vere vanskeleg å seie eksakt kva ein likar med ei bok eller ein forfattar. Felles for dei to bøkene eg har lese av denne forfattaren, er at dei rullar opp heller tragiske barndomshistorier. Vi får også stadig meir innblikk i krimhelten sitt privatliv.

No har eg liggande dei to siste bøkene i serien. Dei to biblioteka eg har vore innom, har ikkje hatt inne dei to i midten. Eg har begynt å lese ei ny bok, men slit litt med å kome inn i ho, og så har eg desse to bøkene som freistar meir. Men som eg har sagt før, så prøver eg å lese vanlege bøker innimellom krimbøkene...

Sviskekompott

2010-10-31T20:49:00.001+01:00

Inspirert av meg sjølv, som eg plar seie , i dette tilfellet lista over populære innlegg til høgre, laga eg i dag sviskekompott til dessert. Det er nokre her i huset som helst vil ha gammaldags mat, og kva høver då betre enn kjøtkaker og sviskekompott?

5 dl vatn

2 1/2 ms sukker
1 pk svisker ev. aprikosar/fruktblanding

1 1/2 ms potetmjøl
1 dl vatn

1. Kok opp vatn og sukker.
2. Ha i sviskene og kok dei møre.
3. Rør ut potetmjølet i kaldt vatn. Ta panna til side og ha jamninga i.
4. Gje kompotten eit raskt oppkok.
5. Ha kompotten i ei skål og dryss litt sukker på toppen for å unngå snerk.

Server med mjølk/fløyte og/eller vaniljesaus. Ein kan og piske krem og legge lagvis med krem, vaniljekrem og kompott som til grunnlovsdessert.

Skjåkmjøl

2010-10-31T12:41:00.000+01:00

Dette mjølet, som Schakenda snakkar varmt om i boka si, fann eg på Mega i Ulsteinvik. Eg skulle til å putte litt av det i surdeigen min i dag, men då oppdaga eg oppskrifta på baksida. Den er med hevedeig/poolish, så eg får spare mjølet og bake desse brøda ein annan dag. Pris? 21,30 ser eg på handlelappen.

Dagens sitat

2010-10-30T23:23:00.000+02:00

Eg har lagt til eit par sitat som sideelement. Synest dette bør bli ståande som eit lite apropos.
Politikere er mennesker som, når de ser lys i enden av tunnelen, beordrer mer tunnel.

Laurdagsloff?

2010-10-30T13:25:00.002+02:00

For tida bakar vi fletteloff i mat og helse. Elevane vel sjølve kva slags flette dei vil lage. Dei fleste prøver seg på seksfletta til høgre.

Viss de vil sjå ein som er flink å flette, kan de sjekke her.

Oppskrifta under er til ein loff, skriven for ungdomsskuleelevar.
Doble gjerne oppskrifta ...

Fletteloff
½ pk gjær

1 ms margarin
2 dl mjølk
½ ts salt
1 ts sukker
ca 5 dl kveitemjøl
1. Del gjæren opp i ein bakebolle.
2. Smelt margarinen i ei panne. Ta panna til side og tilset mjølk,blandinga skal vere fingervarm/37 grader.
3. Slå blandinga i bakebollen og rør ut gjæren.
4. Rør inn salt (og sukker).
5. Tilset kveitemjøl og elt deigen glatt og jamn.
6. Dekk bakebollen med lok/arbeidstallerk/plast og lat deigen heve til dobbel storleik.
Utbaking:
7. Set steikeomnen på 220 grader.
8. Du kan no velje om du vil flette 6-flette eller ei tjukk 3-flette med ei tynn 3-flette på toppen.
9. Hev fletteloffen til dobbel storleik,ca 25 minutt.
10. Steik fletteloffen i 20-25 minutt.
11. Avkjøl brødet på rist.

Bok 49: Slukebok?

2010-10-29T19:26:00.002+02:00

Eg har no lært meg det norske ordet for pageturner, nemleg slukebok. Desse bøkene ligg ofte i store haugar i bokhandelen, slik at når ein finn ei av dei på biblioteket, trur ein at ein verkeleg har vore heldig. Denne forfattaren har eg og sett reklamere for sine to siste bøker på frukost-TV.

Boka opnar greit. Bakteppet er borgarkrigen i El Salvador. Hovudpersonen er ei av dei få som overlever utreinskingar i landsbyen der ho bur. Ho får hjelp til å flykte til USA. Dette kunne ha blitt bra!

Det som øydelegg mest er språket. Skildringane er så sentimentale og klissete at ein kan vri seg i stolen. Om nokon er ueinig med meg får dei lese til dømes om då guten heldt på å drukne i bassenget.

Sjølve historia vert langdryg, og frampeika er så mange at ein forstår omtrent kva som vil skje. Dette grensar til kiosklitteratur!

Les gjerne meir her.

Om å selje sylte

2010-10-29T18:48:00.000+02:00

Eg trur ikkje noko er tilfeldig når det gjeld reklame. At det må løne seg for Lerum å bruke nynorsk, stadfestar Nora med sitt slagord på ei austnorsk dialekt "Nærmere natur'n kjæm du itte".

Produkt som vert knytt til julekalenerprogramma på NRK, vil alltid selje godt. Heldigvis knyttar dei til seg gode produkt. Her i huset har vi ikkje sett barne-TV sidan midten på 90-talet. Men eg tippar blånissane et pannekaker av og til? I alle fall trur eg det kan bli ekstra mykje pannekaker rundt om i heimane i adventstida!

Bok 48: Too much nynorsk humor

2010-10-28T23:06:00.001+02:00

Dette er ei bok for folk som har sansen for leiking med språk. Sjølv er eg sjølvsagt i denne gruppa. Men eg hadde ikkje lese så sider før det vart too much, for å seie det på godt norsk. Boka vart lagt til side.

Så vart eg vikar i ei åttandeklasse som hadde leseprosjekt. Etter at eg hadde fått alle elevane i gang med lesing, sette eg meg til å lese i mi eiga bok. Akkurat då eg heldt på å gå lei att, kom eg til kapittelet om fru Johnsen s. 94. Dette kapittelet kan stå som eit sjølvstendig stykke. Om de kjem over boka på eit bibliotek, så les kapittelet om den dama som har øydelagt mest for nynorsken, Inger Lise Andersen.

Eg synest forfattaren skriv godt og morosamt, men eg meiner han har valt feil sjanger. Når denne romanen til og med skal vere den første i ein trilogi, vert det, ja, rett og slett too much.

Les kva Samlaget sjøl skriv her.

Bytur

2010-10-28T19:35:00.003+02:00

I dag hadde frøkna og eg nokre ærend i byen. Vi tråla dei to kjøpesentera og tok oss også tid til å stikke innom biblioteket. Der var eg så heldig å finne boka i midten, som eg forstår vert ein såkalla snakkis i slekta. Eg har begynt å rippe den over på MP3-en slik at eg kan levere den attende snarast muleg.

Lever enno II

2010-10-28T15:22:00.000+02:00

Eg visste ikkje kor aktuelt førre innlegg skulle bli. Rundt nyttår bestemte eg meg for at eg skulle prøve å ha eit lite blogginnlegg kvar dag, som eit lite livsteikn. Men no har eg vore utan nett i to døgn! For å seie det slik, viss det hadde vore eg som hadde hatt kontakt med nettleverandøren, så hadde det vorte eit langt blogginnlegg.

No skal vi ete middag her, og så kjem eg nok sterkare attende med bokmeldingar og kanskje anna stoff seinare i dag.

P.S.
Katten synest ikkje at dei som får vere inne i ei varm stove skal klage på veret.

Lever enno!

2010-10-25T18:57:00.001+02:00

Blogglesarane trur kanskje eg har drepe surdeigen min. Det har eg ikkje! Eg har tvert imot delt han, slikat eg no har ein lys og ein mørk. I staden for å lage to, fora eg den eine med kveitemjøl og den andre med sammalen rug. Innimellom set eg deigane i kjøleskåpet for så å ta dei fram nokre timar før eg vil bake.

Brødet på bildet bakte eg fredagskvelden og serverte det til ostefatet laurdag. Det var ein loffdeig med ca 1/4 sikta rug i. Til 7 dl væske brukte eg ein stor pakke tørka jordbær og ein pakke valneter. I tillegg putta eg i nokre rosiner og eit par matskeier maltekstrakt. Tørka jordbær har eg ikkje smakt før. Det smakte godt, men eg liker betre aprikosar.

Bok 47: Islandsk krim

2010-10-24T21:40:00.001+02:00

Dette er den første boka eg har lese av denne islanske forfattaren. Den første i serien har eg nettopp sett filma, så den hoppa eg over. No satsar eg på å lese dei eg kan få tak i. Dette er god underhaldning!

Les gjerne om boka her.

Her er dei krimbøkene av same forfattar, som i følgje Wikipedia, har kome ut på norsk.

Myren 2004 Mýrin 2000
Gravstille 2005 Grafarþögn 2001
Røsten 2006 Röddin 2002
Vannet 2007 Kleifarvatn 2004
Vinterbyen 2008 Vetrarborgin 2005
Fjellet 2009 Harðskafi 2007
Irrganger 2010 Myrká 2008

Yndlingsretten min

2010-10-23T19:50:00.001+02:00

Lammesteik er noko av det aller beste eg veit! I dag steikte eg to relativt store lår, kvart på 3 1/2 kg. Eg sette omnen på 175 grader. Det går som regel greit. Dei vart ikkje svidde som det ser ut på bildet.

Til dette serverte eg poteter, grønsaker og brun saus (med ein kopp kaffi m/ fløyte i) og litt forskjellig tilbehør (sølvløk, sylteagurkar og tyttebærsylte).

Besta kom med dessert. Karamellpuddingen fekk konkurranse, for å seie det slik.

Elles kom systra mi med oreokake som vi serverte til kaffien.

No sit eg her og lurer på om eg nokon gong vert svolten att.

P.S.
Det vart lite fotografering av vertinna i dag. Her får vi satse på systra mi.

Billeg bord

2010-10-23T13:14:00.001+02:00

Eg ser ein viss fare for at blogglesarane, etter dette innlegget om ikkje før, vil tru at eg er skikkeleg gniten. Sjølv meiner eg at studentliv og nokre år med fire ungar på ei inntekt, har gjort meg økonomisk. No er det sli, at når eg går forbi ulike tilbod, så bit eg lett på. Derfor har eg ei samling av lys og serviettar.

Duken er ein halv stuv med nervøs fløyel kjøpt på Jysk for 50 kr. Den er strykefri, noko som passar meg godt. Lysa kjøpte eg for 20 kroner tilsaman på Nille.

Serviettane og blomstervasane var -70% på Floriss. Og for å toppe det heile henta eg blomster frå ute- og innekrukker. No ventar eg berre på gjestene! Ha ein fin laurdag!

22. oktober

2010-10-22T19:57:00.000+02:00

I dag var eg verkeleg glad for dei fora støvlane. Her er skikkeleg sørpeføre, og plogen har slett ikkje vore alle stader. På Floriss kjøpte eg denne nye typen ildtopp.

No er alle heime her, og i morgon ventar vi slektsbesøk. Vi skal ha yndlingsretten min til middag. Og desserten er tradisjonell. Om nokon som er innom bloggen ikkje har laga karamellpudding, så fin de ei steg-for-steg-oppskrift her

Katten er i fin form att. Ho vart lagt i full narkose att då ho eigentleg berre skulle ta stinga etter kastreringa. Frøkna meinte ho klødde i øyrene, og hadde lese seg fram til at det var øyremidd som måtte behandlast hos dyrlege. Eg var skeptisk, men det viste seg at ho hadde rett. Øyrene vart rensa, og katten fekk seg ei natt på badet.

Skuleveg - stemningsrapport

2010-10-21T17:21:00.001+02:00

Eg går til og frå jobb når eg ikkje kan sykle. I dag knipsa eg nokre bilde med mobilen på heimveg.

Det er ikkje akkurat monstermaster over myrane.

Eldstemann hadde moka tunet 21. oktober.

20. oktober

2010-10-20T16:37:00.000+02:00

Engelskstudenten kom frå Volda på sommardekk i dag. No er det berre å skifte! Han meinte det var meir vinter der, og det ser ein på Besta sin blogg.

Aloharosa står med nye lange skot og fleire knoppar ...

Sjølv har eg vore til tannlegen i dag og fått fjerna tannstein og belegg. Tannlegen støttar teorien til venninna mi, at dei som har tannstein, har mindre hol. Det er ein av faktorane.

Neste punkt på programmet er å få tatt stinga til katten. Ein ting som slår meg, er om det greit å seie dyrlege eigentleg. Tannlege har ikkje fått innført latinsk tittel.

Sidan eg også skal i selskap i ettermiddag, var det greit å berre lage bondeomelett etter inspirasjon frå frukost-TV i går. Wenche hadde den i omnen. Eg la lok på steikepanne. Eg surra/steikte løk, purreløk og litt skvåsj. I tillegg hadde eg litt pålegg, nærare bestemt skinke. Her kan ein godt bruke spekemat av ulikt slag. Oppå dette helte eg egg, mjølk, riven ost, salt og pepar.

Det fins folk som ikke vet hva de har i kjøleskapet

2010-10-19T21:27:00.000+02:00

"Åpne kjøleskapsdøra og se hva du har!"

Wenche Andersen laga resterettar i dag. Temaet i programminnslaget eg såg i opptak, var sløsing med mat. På Alt godt sin blogg var der oppskrift på amerikanske pannekaker. Her kom det inspirasjon frå to kantar. Jusstudenten kjem heim torsdag. Han elskar pannekaker i alle fasongar. Så i dag fekk det halde med resterett nummer ein, vaflar. I tillegg til eit par halvfulle rømmebeger, hadde eg i rikeleg med egg, 1/3 sammalen kveite og 1/3 havregryn.

Ha ein fin tysdagskveld! Eg skal kose meg med Grey's anatomy.

Bok 46: Noveller

2010-10-18T18:24:00.001+02:00

Etter å ha lese ein murstein av ein roman, var det godt å slappe av med ei lita novellesamling. Forteljingane har visst først vorte lesne som kåseri i reiseradioen. Det er sikkert derfor alle er lagt til sommaren.

Dette er typiske ungdomsnoveller vil eg seie, og som vanleg i novellsamlingar, så er det eit par som stikk seg ut.

Klar, ferdig ....

2010-10-17T12:11:00.001+02:00

Ny funksjon!

2010-10-16T23:45:00.001+02:00

Eg har sett at det på nokre bloggar er ei oversikt over kva innlegg som er mest lesne. Det var lett å få til. Artig å sjå kva innlegg som har vore mest populære hos meg. Mykje mat ja. Funksjonen røper vel mest kva folk som søkjer på ulike stikkord tilfeldig finn på min blogg.

Krabber og dagens vonbrot

2010-10-16T20:02:00.000+02:00

I dag kom yngstemann heim med fire krabber og eit nett med halvstore seiar. Krabbene skal vi ete til kveldsmat.

Det var to som var skuffa over brødet mitt i dag. Den eine trudde det var kake sidan eg steikte det i rund form. Den andre fordi den ville ha loff til krabber.

Her kan de sjå kor fint brødet hevar med berre surdeig som hevemiddel. Når det er nysteikt er det litt klissete, men til gjengjeld held det seg i fleire dagar.

Bok 45: Så 80-tals!

2010-10-16T17:03:00.002+02:00

Det er ikkje berre interiør som går ut på dato...

Denne boka har eg rett og slett lese i feil lys. Eg har ikkje forstått kvifor ein så kjend og kjær forfattar har fordjupa seg i kvinnelagnader frå 40-80-talet. Det vil seie, ikkje før i dag då eg skulle finne bilde av boka. Då først oppdaga eg at boka er skriven i 1982.

Bokmeldinga har eg hatt klar i hovudet siste døgn. Eg synest valet av hovudpersonar var merkeleg. Elendigheit vert det heller ikkje slutt på. Så snart Eivor kjem seg ovanpå, så får ho eit slag i trynet. Der er heile tida eit men. Det heile er "trøsteslaust"! Kan ein person verkeleg ha gått gjennom livet utan ein eller annan gong ha vore oppe i skyene?

Les ein boka i lys av 80-talet i staden for 2010, så kan det hende ein ville følt det annleis. For all del, eg har kosa meg med dei 18 CD-ane. Ein vert gripen av lagnadane. Språket er godt, men ...

Surdeigsbrød ...

2010-10-15T23:48:00.005+02:00

I dag har det vore mykje error error på bloggen når ein prøver å laste opp bilde. Løysinga vart å stille bloggen tilbake på det gamle redigeringsverktøyet. Bilda kom dermed i omvendt rekkjefølgje.
No har eg late surdeigen leve sitt eige liv. Eg har lese meg opp på teorien i boka til Schakenda, men bakar utan oppskrift, men litt fritt etter hans metodar.

Eg laga deigen rett etter at eg kom heim. Så fekk han heve i 4 timar før eg forma brødet. Etterhevinga var i 2 timar i dag.

Surdeigen var den siste etter oppskrift. No har eg hatt i 1 dl kaldt vatn og 2 1/2 dl kveitemjøl i resten og sett den i kjøleskåpet for å bremse den litt.

I går kveld la eg resten av den tørka frukta i litt appelsinjus. Netene hadde eg rett i deigen samtidig.

No ligg der eit fjerdedels brød att på benken, så eg håper eg får meg litt til frukost i morgon.

Kva er dette?

2010-10-15T16:58:00.000+02:00

Dette datt opp i handlekorga då det låg på ryddesal. Det heiter miljøvask. Eg er usikker på om kulene vert oppbrukte eller tappa for effekt. Bruksanvisninga og pakken er vekke. Ja, ja, kleda vert i alle fall reine, om dei då har vore skitne.

Endeleg har det lykkast!

2010-10-14T22:50:00.000+02:00

Brødet er lett og luftig og heva berre med surdeig!

Sidan eg ikkje lykkast sist eg prøvde å lage ekte surdeigsbrød, laga eg 1/3 oppskrift, altså berre eitt brød. Eg let brødbakemaskina kna deigen. Væska var midt mellom kald og lunken. Elles gjorde eg akkurat som oppskrifta sa. Første hevetida var 4 timar. Andrehevinga gjekk raskare enn eg forventa, berre vel ein time.

Nei, no lyg eg litt her. I oppskrifta stod det 125 g lys og 125 g mørk surdeig. Eg har berre laga mørk. Det var like før eg sette boka ned ein heil karakter. Det får vere grenser for å gjere det tungvint! Brødet s 77 heiter dessutan grovt surdeigsbrød, men inneheld berre sikta kveite- og rugmjøl i tillegg til surdeigen.

Det spørs kor lenge eg gidd å fore på denne surdeigen. Det vert nok høgst eit par dagar til. Men no trur eg at eg har teknikken inne, slik at eg kan frigjere meg frå oppskriftene i boka.

Smaken kan eg ikkje uttalle meg om før i morgon. Men nøttebrødet var mykje betre i dag enn i går! Surdeigsbrød skal vere spesielt haldbare.

2010-10-14T18:33:00.001+02:00

Sleit med å lyde

2010-10-13T20:22:00.001+02:00

Då eg kom heim i dag hadde yngstemann laga pizza. Det passa godt, så fekk eg bruke tid på å lage frukt- og nøttebrøda s. 73 i Schakenda si bakebok. Eg trudde eg hadde alle ingrediensane i hus, utanom graskarkjernar som eg ikkje fekk tak i. Men valnetene som eg trudde eg hadde, var det heller ikkje råd å finne. Det vart til at eg tok meir av vanlege neter. Frukta var eg og raus med.

Ein annan ting eg lurte meg til, var å ha vatnet litt varmare enn rett frå springen, kanskje 20-25 grader. Med 200 g surdeig og 1/2 pk gjær heva faktisk deigen seg opp til kanten på ein time.

Eg forma brøda. Dei fekk stå og heve ein time medan eg var på butikken og kjøpte mellom anna ost, druer, mandarinar og pærer.

No står det berre att å smake på dei!

Futt og fart!

2010-10-12T18:04:00.000+02:00

Då ser de tydeleg at det er futt i surdeigen. I dag kom eg seint heim, og eg skal ut på tur, så bakinga får vente til i morgon. Det er ikkje så mykje arbeid med bakinga. Ein lagar raskt ein deig medan ein kokar middag, men ein må vere der å passe på. Dersom eg held fram med å bake på denne måten, så vil eg nok lære kor lang tid det tek.

I morgon håper eg å kome sterkt tilbake!

P.S.
No har eg altså ferdig surdeig, så om nokon på Hareid har lyst på ein bit, er det berre å gje meg eit vink. De veit kvar eg er på dagtid, og om ettermiddagen skal eg ha meg ein snartur på butikken ...

Der det er liv, er det håp!

2010-10-11T22:37:00.000+02:00

Det er spennande med surdeigen! Eg har tru på at eg skal få det til denne gongen. Målet er å lage frukt- og nøttebrødet side 73.

Dette bildet har de sett før.

Dagen etterpå hadde deigen heva seg i den minste Espelidbollen.

Deigen fekk heve i eit glas denne gongen. Eg vog opp ingrediensane, dei ca 100 g sikta rug som eg let vere akkurat 100 g, var nok litt i meste laget.

Men den litt for faste deigen såg og lukta akkurat som han skulle. Legg merke til mi nye oppfinning: Ein strikk for å halde plastfolien på plass.

I morgon skal surdeigen vere klar til bruk. Schakenda skriv to stader 1-2 dagar. Eg trur ein dag er nok på mitt kjøken der det sikkert er godt og varmt på dagtid. Men ein treng ikkje bruke surdeigen den dagen den er ferdig, slik eg forstår det kan det vere ein fordel å "friske han opp" ein ekstra gong. I morgon er eg truleg heime berre eit par timar om ettermiddagen, så bakinga får vente.

Kvardagen kallar

2010-10-11T18:52:00.000+02:00

Ferie er for meg å sleppe å gå etter ein timeplan. Men når kvardagen kjem, er det lett å falle inn i gamle mønster. Måndagar er biblioteket langope til 19.00, så då høver det godt å stikke innom på veg til butikken.

I dag leverte eg inn tre bøker og lånte ei ny. Eg har ikkje lese noko av denne forfattaren før.

Schakenda - verdig vinnar?

2010-10-10T19:02:00.001+02:00

Eg har mange kokebøker, fleire av dei heiter noko med "Brød". Kvifor kjøper ein då endå ei? For det første har eg høyrt at folk liker den, fleire bloggarar har den. For det andre har eg fått høyre at eg må lese om bakeriet.

Det har eg gjort! Eg har lese historia om korleis gründeren byggjer opp ei bedrift som går godt. Eg har lese boka frå perm til perm. Her er mykje interessant. Han har fått andre til å skildre seg sjøv, så både Leif Ove Andenes, Ingrid Espelid og Arne Brimi har si eiga side. Bakaromnen har fått sitt eige kapittel.

Det er synest er mest interessant, er teoriane kring gjærbakst. Oppskriftene skal prøvast!

Dette gjer han rett i følgje ein norsklærar:
- Han har ei god historie.
- Han skriv om noko han har greie på.
- Han skriv engasjert.
(Å skrive om seg sjølv ...)
- Han har ein bodskap.
- God orden. Døme: Oppskrift+bilde over to sider.

Terningkast 6 frå meg, som er meir enn middels interessert i gjærbakst.

Dyrking av hobbyar

2010-10-09T20:39:00.001+02:00

I dag har eg dyrka to nyttige hobbyar, bokstavleg talt. I hagen har eg brukt saksa ein del og fått klipt vekk visne vekstar. Litt mold har dei fått og. Purpursolhatten, som eg flytta på seinsommaren, er på sitt finaste.

Aloha.

Dei av plantane i krukkene som eg trur har ein sjanse til å overvintre, har no kome i jorda. Nellikar kjem att år etter år.

Potteroser kan ein vere heldig med.

På kjøkenet dyrkar eg surdeig. Det har kome bobler.

Eg følgjer oppskrifta så nøye at eg også veg vatnet. Den nye deigen skulle vere i rein bolle med plastfolie.

Om å kastrere ein katt

2010-10-08T20:12:00.000+02:00

Etter å ha høyrt melodien "Eg vil ha ein liten katt" ei tid, gav faren etter, og frøkna skulle få lov til å få ein liten hannkatt. Ho var snar å bestille ein. Men kattemora tok ikkje mykje omsyn til ønske om kjønn og fødde tre nydelege hokattar. det var då eg greip inn. Frøkna må få katt og eg skulle følgje opp familieplanlegginga. I haustferien var det tid for sterilisering, eller kastrering som er det rette uttrykket i følgje veterinæren, og det er vel han som har greie på det.

Som den pysa eg er, må eg innrømme at eg grudde meg til heile greia. Eg hadde lova å køyre og betale. Frøkna førebudde katten med eit halvt døgn faste. Ho hadde med både reisebur og ei kasse med dyne i. Alt var reint og fint.

Katten skreik heile bilturen. Men då var det verste gjort. Veterinæren tok imot katten og vi fekk beskjed om å kome attende ein time etterpå. Då var det gjort. Katten var i framleis i narkose, så turen heim vart noko rolegare.

No skulle katten vere inne eit døgn i eit rom med vanleg romtemperatur. Vi plasserte henne på badet nede. Det tok ikkje lang tid før ho hadde kome seg ut av kassa. Svolten var ho og, men ganglaget var noko ustøtt. Snart ville ho opp trappa.

Kort fortalt var ho så fin etter 12 timar at ho hoppa opp på fanget mitt og mol. Vi meiner ho har tilgitt oss.

Det vert fødd alt for mange katttar. Veterinæren her avlivar omlag 100 i året. I tillegg så er det nok mange som gjer det sjølv. For Lucy gjekk operasjonen heilt fint. Ho skal ta stinga etter to veker og få ei vaksine mot kattepest "på kjøpet". Det heile kosta 1260 kr.

Eg er i gang ...

2010-10-08T13:21:00.000+02:00

No har eg begynt å studere Schakenda sine teoriar om baking. Dei er ikkje så ulike Åpent bakeri sine. Men ein ting er annleis; framgangsmåten for surdeig. Eg har hatt eit par mislykka forsøk på å lage surdeig. Det eine la eg ut på bloggen. Det andre heldt eg for meg sjølv. Det som gjer at eg har mot til å prøve om att, er at denne framgangsmåten er annleis, og så skriv han litt om alternativ. Eg har t.d. ein mistanke om at eg hadde det litt varmt her, og at eg kunne gått raskare fram. Her skal surdeigen stå vekselvis på benken og i kjøleskåpet.

I boka er det oppskrifter der ein både brukar surdeig og litt vanleg gjær. Då kan det ikkje skjere seg 100%.

Ein blogglesar spurde meg om eg hadde eit tips for å unngå at grovbrød smuldrar. Då kan det vere lurt å bruke poolish. Dagen før, eller om morgonen viss du bakar etter arbeidstid, blandar du saman 1 dl vatn+1 dl kveitemjøl+ein ertestor bit fersk gjær. Dette får stå og boble. På bildet kan de sjå at det dannar seg ein deig med limaktig struktur. Framgangsmåten vidare: Lag dine vanlege brød med 1/2 pakke gjær.

P.S.
Du gjer sjølvsagt som du vil, 1/4 pakke er nok om du har god tid.

Av alle stader ...

2010-10-07T16:44:00.001+02:00

... fann eg denne boka, som eg har ønska meg lenge, på OBS! på Moa i dag til ein fin pris; 199 kroner. Viss nokon av blogglesarane har baka frå boka og gjort seg sine erfaringar, så er eg takksam for tips!

Dei kallar det DEAL

2010-10-06T14:51:00.000+02:00

Eg kallar det "å få attpå". Reint formelt heiter det "tilgift". Det har eg lært på bloggen til Alt godt. I dag kjøpte eg eit av oktobertilboda, mest for å ha ein illustrasjon til bloggen. For denne månaden kan eg puste ut. Ingen av dei tre tilboda er særleg freistande for meg.

I september derimot fylte eg matboda med ein haug tortillalefser og nokre pakkar Baligryte. Nokre kjøtdeigar fann vegen ned i frysaren, sjølv om eg har lova meg sjølv å ikkje fryse kjøtdeig.

I august var det "to for ein". Det finn ein framleis spor etter i frysaren min i form av kokt skinke og oppskoren ost. Leverposteinen, ja nokre var innom frysaren, forsvann fort.

For de må ikkje tru at eg kastar mat! Eg berre hamstrar! Er det studenttida, eller den tida eg metta ein familie på seks med ei inntekt, som sit i meg? Eller er det endå meir primitive instinkt. Ville ungane mine hatt større sjanse til å overleve i tidlegare tider. Forretningane utnytter i alle fall dette, for dei gjer ikkje noko som ikkje løner seg, for dei.

No håper eg at dei heller slår seg på slike tilbod som "Kjøp to esker druer og betal for ei". Vi kan kjøpe akkurat så mykje vil treng og kose oss dei to vekene tilbodet varer. Eller vent no litt, er ikkje druene det beste i frosen tropisk blanding?

Program 8:Jam

2010-10-05T22:52:00.000+02:00

Då eg var i Oslo, var der ein kar som ville eg skulle kjøpe den største brødbakemaskina til studenten. Du kan lage syltetøy i den, var eitt av argumenta. Eg svarte vel at eg hadde hatt tre maskiner utan å ha laga syltetøy. Det må du prøve, meinte han.

Sidan eg har ny maskin, så får eg gjere det då. Porsjonen i oppskriftsheftet var på 500 g jordbær. Der stod også over 3 dl sukker, noko som er alt for mykje! 1 dl gir søt nok sylte.

Porsjonen gav akkurat eit glas på storleik med "Noras hjemmelagede". Det tok 1 time og 20 minutt å lage dette klumpefrie syltetøyet. Prisen kom på ca 35 kr. Det er vel heller tvilsamt at eg kjem til å nytte denne metoden meir.

Bok 44: Sjanger: Spionar og agentar

2010-10-04T22:42:00.001+02:00

Dette er ein kriminalroman i serien om Hamilton. Handlinga går føre seg i fleire land, og fleire presidentar er innblanda, noko som er vanleg i desse bøkene.

I utgangspunktet har eg ikkje sansen for at born av hovudpersonar i verken serieromanar eller fjernsynsseriar, vert kidnappa. Men Guillou skriv godt, og ein vert dradd inn i handlinga. Her vert det ikkje spart på effektane.

Små spark hit og dit krydrar romanen. Eg let meg underhalde!

De må gjerne lese meir her.

Utstyr må prøvast III - 5 om dagen

2010-10-04T16:14:00.000+02:00

Det er kanskje ikkje aktuelt å rive grønsaker i maskina i det daglege, men det kan no vere greitt å vite korleis ein set ho saman. Eg brukte den finaste riveskiva, og den er noko midt i mellom fint og grovt på eit vanleg råkostjern. Til gulrotkake er vel dette ideelt?

Det er mykje snakk om "5 om dagen for tida". Råkostsalat er ein fin måte å få i seg grønsaker på. Ernæringsmessig er det nok den beste måten. Få vitaminar går tapt, og kroppen gjer seg best nytte av finrivne grønsaker. Sist, men ikkje minst, så likar ofte born best rå grønsaker.

Råkostsalat kan varierast etter smak. Gulrot, kålrot, kål og raudbete er kanskje mest vanleg. Av frukt kan ein bruke eple, appelsin og/eller ananas. Ein gong då frøkna var lita, spurde eg henne kva vi skulle ha til middag. Då svarte ho: "Rosiner". Rosiner eller svisker gjer råkostsalaten søtare. Eit anna tips er å bruke jus til dressing i staden for sitronsaft.

Sjokoladekake i brødbakemaskin

2010-10-03T22:11:00.000+02:00

No har eg sett meg føre å prøve ut flest muleg program på den nye brødbakemaskina. Eitt av dei er "Kake". Denne sjokoladekaka har eg laga etter oppskrift i heftet kvar gong eg har fått ny maskin. Det har ikkje gått så bra. Men ein veit aldri, kanskje dei har utvikla ei betre maskin?

Eg følgde sjølvsagt oppskrifta til punkt og prikke. Kaka såg ikkje så verst ut då ho var ferdig.

Men då eg skar i ho, såg eg at ingrediensane ikkje hadde blanda seg skikkeleg. Kaka var heller ikkje gjennomsteikt.

Men det er rart kva som glir ned med ein klatt krem og litt hermetisk frukt.

Viss nokon av blogglesarane har andre erfaringar enn meg med kakebaking i brødbakemaskin, må dei gjerne gi meg eit hint!

Bartolomeogryte

2010-10-03T12:08:00.000+02:00

Når niandeklassingane skal fortelje om noko godt dei laga på barneskulen, er svaret som regel "Bartolomeogryte". Eg vil helst kalle dette ein gammaldags gryterett. Skal tru om nokon veit kor gammal den er? I dag ville ein ikkje finne på å ha kveitemjøl i ein slik rett. Ein ville heller hatt i grønsaker. Når vi har laga den på ungdomsskulen, har temaet vore restemat. Oppskrifta er skriven for ungdommar.

I går stod eg der med eit par kjøtdeigpakkar og lurte på kva eg skulle lage. Det var frøkna som ønska seg Bartolomeogryte. Sidan eg både hadde osterestar og x antal flasker ketsjup i kjøleskåpet, slo eg til. Gryteretten vert best med tomatpuré, så eg hadde i litt av kvart. Bildet er tatt før eg hadde i osten.

Gryterett

1 ms olje
1 løk, finhakka
200 g kjøtdeig

1 ms kveitemjøl
1 ½ dl mjølk
2 ms tomatpuré/ ½ dl ketsjup
1 krm karri
1 krm pepar
1 krm salt

½ dl riven ost

Ris
3 ½ dl vatn

1 krm salt
1 ½ dl ris

Slik gjer vi:
1. Steik løk og kjøtdeig i jerngryta.

2. Rør inn mjølet og ha i mjølk, ketsjup/tomatpuré og krydder. Lat dette koke i minst 5 minutt.

3. Strø over riven ost rett før servering.

Ris
Kok opp vatnet til risen i ei titanpanne med glaslok. Ha i ris og slå plata ned på 1.
Lat loket vere på slik at vatnet ikkje fordampar.
Når risen har kokt i 15 minutt, kan du slå av plata og la risen stå i 5 minutt til og trekke på ettervarmen.

Eg prøvde riskrydderet mitt i går, og hadde i nokre frosne erter mot slutten av koketida. Det var populært her i huset. Krydderet var temmeleg smaklaust, så om ein vil, kan ein ha i pepar og salt i tillegg.

Handlerunde i Hareid

2010-10-02T18:26:00.000+02:00

Brødbakemaskina mi takka for seg for ei veke sidan. Det er tungvint å greie seg utan, spesielt når ettermiddagane vert aktive. Dette er mi fjerde maskin av dette slaget. Dei to første varte i 3 år medan den siste i fire år. Det kan nok forklarast med familiestorleiken. Konklusjonen er at ei maskin bakar ca 2000 brød. Eg må og legge til at maskinene vert betre og betre. Den første ville ikkje bake særleg grove brød t.d.

Desse tulipanløkane kjøpte eg på Spar i går kveld. Sjølv om eg har jobba eit par timar i hagen i dag, har dei ikkje kome i jorda. No håper eg på fint arbeidsver, så skal desse plantast. Fleire vert eventuelt innkjøpt etter kvart.

På E-design dumpa eg borti eit lite kurs i borddekking. Det var interessant. Eg hugsar ikkje namnet på bestikk og glas, men kjente det att frå interiørbloggar. Tallerkane på eine bordet hadde sølvkant og kunne ikkje vaskast i maskin. Å vaske bestikk etter eit selskap/ein fest er no ein ting, men finst det folk som kjøper tallerkar som må vaskast opp for hand? Lysa fann eg på Bellis blomster ved sida av.

Søndag kveld kjende eg nokre intense smerter i høgre kne. De føltes som å bli stukke av ein kniv. Måndag vart det skikkeleg ille. Kva hadde eg gjort? Jau, eg hadde vore i Ørsta og traska rundt i høghæla støvlettar! Eg spøkte med at det berre er ein ting å gjere, nemleg å kjøpe seg nye med lave hælar. Men onsdag var eg heilt bra att, og eg gjekk framleis i same stølettane. I går fekk eg svaret. Eg sette meg i bilen og køyrde over Eidet. Då fekk eg svaret: Høge hælar gjev ikkje noko god stilling på gasspedalen!

Støvlettane over var rimelege, men får gjere nytta som bilsko.

På biblioteket fann eg desse bøkene i dag.

Over bekken etter vatn

2010-10-01T22:44:00.000+02:00

Som blogglesarane kanskje har fått med seg, føler eg behov for ein bytur i veka. Då gjeld det å ha eit ærend så ein får lufte seg litt. Ærendet i dag var å studere utvalet av brødbakemaskiner på Blåhuset. For trur de ikkje at etter at foodprosessoren hadde stått på benken ved sida av brødbakemaskina nokre dagar, så slutta ho å steike. Sidan både forma og skovlene er utslitne, løner det seg å kjøpe ny maskin. Utvalet på El-kjøp var skuffande. Dei hadde berre ei lita maskin. Så då er det betre på Hareid!

Men litt handelslekkasje vart det likevel. Eg fann eit Cemo-krydder eg ikkje har prøvd. Kanskje det er godt til fisk i karrisaus t.d.? På Kid fann eg ei papirkorg til halv pris. Den gamle får de ikkje sjå, men dei som har vore på besøk, forstår nauda.

I morgon slår butikkane på Hareid til med sal og utdeling av gåvekort. kanskje de hugsar kven som vann i fjor?

Eksklusivt

2010-10-01T17:21:00.000+02:00

Her kan de lese om dei nye supporterskjerfa. Akkurat no foregår det "arbeid for skjerf" i heimen.

Bringebærkake

2010-09-30T15:49:00.000+02:00

Inspirert av meg sjølv, gav eg meg i kast med kakebaking i går. Eg ville prøve oppskrifta på blåbærkake. Den vi laga på skulekjøkenet vart blå i heile botnen. Var det på grunn av at vi brukte frosne bær, eller fordi dei hadde fått tine for lenge på kjøkenbenken. Ting tek tid på skulekjøkenet.

Sjølv bakte eg på vanleg måte, men venta med å hente bringebær frå frysaren heilt til røra var ferdig. Som de ser vart ikkje kaka mi raud! Ei venninne kom innom på kaffi. Då serverte eg kaka med vaniljekrem og krem.

Det vert nok litt kake i dag og, for som kjent likar eg ikkje å bake små kaker, så eg dobla oppskrifta.

Ein fordel med denne kaka er at ein som regel har ingrediensane i hus. I enkelte kakebøker er det ein eller annan spesiell ingrediens i alle kakene. Då står ein fast om ein skulle få lyst til å bake. Etter ein har handla, er kanskje inspirasjonen vekk.

Ja takk, begge delar!

2010-09-29T20:42:00.000+02:00

Fiskaren i familien har etterlyst kveitemiddag. Eg har sagt at han må ikkje dra heim så mykje lange, makrell og lyr viss det er kveite han vil ha. I dag tok vi opp kveite. Men så begynte diskusjonen; skal kveita steikast eller kokast? Kva er best? Eg både steikte og kokte kveite, og vi er framleis usamde om kva som er best ...

Blåbærkake

2010-09-28T17:53:00.000+02:00

Då restane av denne kaka kom på lærarrommet, var det nokon som ville vite kvar eg hadde plukka blåbæra. Eg måtte som sant seie at dei var plukka i frysaren til Prix. Det må vere lov!

Når ein har baka ein del, ser ein fort om ei oppskrift er grei. Dette er ei heilt vanleg kakeoppskrift der ein rører smør og sukker kvitt. I staden for blåbær kan ein bruke andre sortar bær eller frukt.

Ingrediensar

200 g smør
3 dl sukker

4 stk egg

1 dl mjølk

4 ½ dl kveitemjøl
1 ts bakepulver
1 ts vaniljesukker

ca. 2 dl blåbær , evt. solbær, bringebær eller jordbær
(Vi brukte heile pakken)

Slik gjer vi:
Rør smør og sukker kvitt. Ha i eitt og eitt egg. Tilset melka vekselsvis med mjøll blandet med bakepulver og vaniljesukker.

Fordel røra i en bakepapirkledd, liten langpanne. Dryss over bæra (evt. frosne bær treng ikkje å tine først). Steik kaka ved 175 °C i 30-35 minutt.

Kaka er svært saftig og smakfull. Den er også fin å fryse.

Vi serverte kaka med krem.

Kjelde: http://www.matprat.no/artikkel.aspx?artid=3308

Bok 43: Fæl og fengjande

2010-09-27T20:38:00.000+02:00

Forfattaren av denne boka er fødd i 1958 i Beijing. Ho hadde sitt eige radioprogram der fram til 1997 då ho flytta til London.

Den engelske tittelen på boka er "A message from an unknown Chinese mother". Ein kan seie at dette er ei bok med ulike adopsjonshistorier. Men då ville ein gjort boka urett. Den handlar om så mykje meir!

Kva er det i den kinesiske kulturen som gjer at landet gir frå seg 120 000 jentebarn? Forfattaren viser oss at det er komplisert. Ein del av forklaringa er knytta til historia og kvinna sin verdi i dette samfunnet.

I bondesamfunnet må familien få ein gut for å få ein åkerlapp å leve av. Ei jente betyr "sveltihel", så her har ein plikt til å kvitte seg med jentebarn slik at det eine barnet ein let vekse opp er ein gut. Å kaste dei nyfødde jentebarna rett i ei bøtte vatn før dei får trekkje pusten, vert sett på som ein human metode.

Prøver ein, som forfattaren, å adoptere eit jentebarn når ein allereie har ein gut, vert ein fråtatt alle rettigheiter, også arbeidet. Det vil føre til at guten kanskje ikkje veks opp heller.

I fleire år er det lett å adoptere jenter til vesten. Takknemlege amerikanske adoptivforeldre sender filmar med veslejenta si tilbake til barneheimane. Dette gjer kanskje at fleire mødre vert freista til å sende jenta si til vesten og eit liv som "prinsesse"?

Eg har lese dokumentarbøker frå Kina før. Så eg veit kva som førte til eittbarnspolitikken. Det var kanskje eit nødvendig grep. Men den har absolutt sine offer.

Det skin gjennom at forfattaren er journalist. Ho belyser saka frå mange vinklar gjennom historier, brev og eigne opplevingar.

Eg meiner dette er ei viktig bok. Den er i kategorien "Les ei bok og bli klok".

Vegen og funnen for lett

2010-09-26T20:59:00.001+02:00

I dag plukka frøkna inn ein av dei søte piggsvinungane for å vege han. Det skal nok godt gjerast at han vert 750 g og greier vinteren. No matar ho han med ulike typar kattemat. Skal tru om ein varm oktober gjer at han legg seg i dvale seinare?

Dei fem finaste IV

2010-09-26T16:20:00.000+02:00

Eg reknar med ar dette vert årets siste "Dei fem finaste", altså siste hagevandringa. Haustblomstrane står no i blomst. Eg bruker å seie at ein set størst pris på deiførste og dei siste plantane som kjem.

Haustfloks.

Fleire potteroser frå i vår står med knuppar og blomster.

I år har eg ikkje så mykje skvåsj. Eg rekk å ete dei og gje dei vekk før dei vert for store.

Dei spanske margerittene har kome i ny blomst.

Daturaen.

Pasjonsblomsten har blomstra i heile sommar.

I dag har eg bretta opp ermane og retta ein heil bunke bokmålsstilar. Tiandeklassingane søv seg ut i morgon. Men tysdag er dei her, og då vert det utlevering av det dei skreiv den dagen alt skar seg. Nokre straumbrot gjorde at datamaskinene var ute av drift.

Eg har ikkje laga middag i dag. Det er berre vi damene som er heime. No satsar vi på fersk fisk til kvelden når fiskaren kjem heim frå sjøen, mannen i huset frå Oslo og journalisten frå Aafk-kamp der han arbeider for VG nett.

Eit ferskt brød vart det til lunsj. Eg laga poolish i går kveld til landbrød. Det vart utruleg godt!

Støvlar

2010-09-25T18:59:00.000+02:00

Førre laurdag var frøkna og eg på støvlejakt her i bygda, men fann ikkje nokre vi likte. Så fekk vi høyre om den nye sko- og regnkle butikken i Ørsta. Eg har sett dei har hatt liknande i næraste by, men ikkje eit slikt utval! Det vil seie, i lav modell gav fargen seg sjølv.

I dag har vi hatt strålande ver. Skal vi tru på Indian summer? Det er vel gale å kjøpe seg noko og seie at ein håper ein ikkje får bruk for det på ei stund? Derimot ser eg fram til å kome på jobb med tørre strømper når det vert slapseføre før jul ein gong ...

Sjokoladekake med appelsin og valneter

2010-09-24T18:43:00.000+02:00

I dag hadde eg nokre tiandeklassingar med meg på kjøkenet. Dei hadde fåttt velje fritt kva dei ville lage. Ei av dei hadde funne denne oppskrifta på tine.no. Eg ser at i ein del moderne oppskrifter er smør erstatta med mager kesam. Kaka blir då magrare, men med rikeleg sukker, så noko slankekost er det ikkje.

Rund form 24 cm eller lita langpanne.

3 egg

2 dl sukker

1 dl hvetemel siktet
½ ts bakepulver
½ dl kakaopulver
2 ts vaniljesukker
¼ ts salt

3 dl TINE Kesam Mager eller Kesam Naturell
1 appelsin , rive skal av
50 g hakka valneter

Set omnen på 200 grader.

Visp egg og sukker til eggedosis.

Bland sammen dei tørre ingrediensane og vend dei i eggedosisen saman med Kesam, rive appelsinskal og hakka neter. Rør lett til alt er blanda.

Hell røra i en godt smurt form og stek ho ca 30 minutt.

Server kaka kald, gjerne med krem og bær til.

Vi piska krem til kaka. Pyntinga la eg meg ikkje bort i. Eg synest det var godt påkome å bruke resten av appelsinen og pynte med heile valneter.

Utstyr må prøvast II

2010-09-23T20:09:00.001+02:00

Dette utstyret stod med glans! Her er ingen gummiringar som på tilsvarande utstyr til Kenwooden. Lett å reingjere i oppvaskmaskina.

Eg har lagt ut oppskrift på smoothie før. Dagens variant var med

1 banan

2 dl eplejus

1/4 l jordbæryoghurt

1/2 pk frosne jordbær

Dette er ein fin drikk for dei som kjem att frå trening!

Ungdomsskulebollar

2010-09-22T17:14:00.000+02:00

Onsdagane har vi ei kantinegruppe som lagar noko "kosemat". Vi har prøvd med ulike bollar, og kome fram til at desse er både populære og enkle å lage. Vi som har prøvd litt forskjellig, har opplevd rosiner som flyt i gangane, og vi veit kor mykje rot og søl som følgjer med vanlege skulebollar. Desse kan eg trygt anbefale. Eit lite atterhald: Eg har hatt i sjokoladebitane.

2 pk raud gjær

250 g smelta smør
12 ½ dl mjølk
3 dl sukker
2 ts kardemomme
2 kg kveitemjøl
vaniljekrem
kokesjokolade

1. Smuldre gjæren i bakebollen. Bruk stor kjøkenmaskin.

2. Varm mjølka til 37 grader og hell over gjæren.

3. Ha i resten av ingrediensane og elt deigen smidig og jamn i maskina.

4. Set deigen til heving. Han er ferdig når han når kanten av bakebollen.

5. Del deigen opp i emne på 100 g og trill glatte, sprekkfrie bollar. Trykk dei litt flate.

6. Set omnen på 225 grader.

7. Lat dei heve til dobbel storleik, ca 25 minutt.

8. Lag ei grop i midten av bollane, og fyll ho med ein bit sjokolade og litt vaniljekrem.
(Eg klipper eit passeleg stort hol i ein "Piano"-pakke.)
9. Steik bollane i 10-15 minutt, og avkjøl dei på rist.

Bok 42: Heilslakt?

2010-09-21T18:21:00.001+02:00

Observante blogglesarar har kanskje fått med seg at eg har lese denne boka, og ikkje likt det eg har lese. Midt i boka hadde eg mest lyst til å legge den frå meg. Men så bestemte eg meg for å fullføre lesinga for så å slakte boka etterpå.

Kva er det som er så ille?

Historia er enkel. Slekta til hovudpersonen palestinaren Amal frå 2. verdskrig og fram til i dag. For kvar krig eller urett det palestinske folket lid under, ramnmar det ein eller fleire familiemedlemar. For å ikkje vert heilt partisk, let forfattaren eine broren hennar verte kidnappa av ein barnlaus jøde, slik ar han veks opp som David. To brør kjempar i same krig på kvar si side. Det får fram kor meiningslaus krig er. Eit arr gjer at dei seinare kjenner han att.

Det som er interessant med boka, er den politiske historia sett frå palestinsk side. Tiandeklassingane våre besøker no konsentrasjonsleirane frå 2. verdkrig. Boka stiller spørsmål om palestinarane får lide for jødane sine lidingar. Når ein får høyre om enkeltskjebner i desse krigane og nedslaktingane, vert det sterk kost.

Men så er det språket det vert fortalt med. Uttrykk som "Hjertet hennes blir fylt av kjærlighet", vert berre heilt feil til krigsskildringar. Og liknande uttrykk er boka full av. Det vert klissete, og ein assosierer dei med onsdagsfilmen på TVNorge med Melissa Gilbert i hovudrolla.

Synsvinkelen skiftar mellom ei allvitande forteljarstemme i nokre kapittel, og Amal si stemme i andre. I tillegg får vi informasjon gjennom brev. I lydboka er dette løyst med ei mannsstemme og ei kvinnestemme.

Ikkje overraskande er forfattaren sjølv palestinar som har utvandra til USA.

Nytt forsøk

2010-09-20T20:22:00.001+02:00

Blogglesarane hugsar kanskje at eg sleit med å legge MP3-filer inn på MP3-en min. I rein irritasjon leverte eg attende "Drømmehjerte" på biblioteket. I dag låg omtrent alle lydbøkene eg ikkje hadde lese, nettopp i MP3-format.

Ein får berre prøve igjen. Og så plutseleg kjem det opp nokre sider eg ikkje har sett før! Her er det berre å følgje instruksane!

Filene legg seg over på MP3-en i rett rekkjefølgje! Eg får berre forevige augneblinkjen, så kanskje eg finn att same sida neste gong.

Her legg det seg til og med bilde av boka inn på skjermen på MP3-en. Det er tydeleg at eg har gjort det på rette måten.

Høyrer eg kommentarar om bruksanvisning? At ein bør lære seg flest muleg funksjonar med ein gong ein har kjøpt seg noko nytt? At ein bør ta vare på ekstrautstyr og bruksanvisninga ein stad ein finn det att?

Ja, ja det er dette med å følgje sine eigne råd ...

Senka skuldrer

2010-09-19T22:00:00.000+02:00

I dag hadde eg behov for å senke skuldrene og nyte kviledagen. Eg ser på Facebook at det har vore mykje fårikål rundt om i heimane. Her vart det restemiddag sidan vi hadde svinekotelettar og blomkålsuppe i går då alle var heime. No har fiskaren kome heim med ei lange på 4 kg og eit knippe makrellar. Makrellane har eg kokt i saltvatn med eddik og pepar i, såkalla "sylta makrell". I morgon er det berre å sette på poteter og lage agurksalat.

Kva pønskar du på pus?

2010-09-18T23:49:00.000+02:00

Lucy forstår ikkje, eller vil ikkje forstå, at ho ikkje kan ligge på rygg på stovebordet oppå den nye løparen. Ute regnar det slik at det renn ei elv bak huset. takrennene greier ikkje å ta unna alt vatnet. På YR kan ein sjå at regnetveret skal halde fram til og med neste helg.

Utstyr må prøvast!

2010-09-18T19:41:00.001+02:00

Når ein har kjøpt seg noko nytt, er det alltid lurt å teste ut alle funksjonar. Det var ikkje lite ekstrautstyr som følgde med! Eg investerte i ei hendig handlekorg på Nille i dag. Ein ting hadde eg på den gamle maskina, men ikkje denne, nemleg eltekrok. Til baking skal ein bruke kniven. Det måtte sjølvsagt prøvast.

I går laga eg ein vanleg fin grunndeig som eg trilla ut til rundstykke. Dei forsvann fort! Kniven knar deigen så godt at dei hevar og vert svært lette og fine.

I fredagsbilaget til VG i går fann eg denne oppskrifta til Schakenda.

Eg trur ikkje han følgde si eiga oppskrift. Eg og var raus med fyllet, for å seie det sånn. Ein får ha i det ein liker og så mykje ein liker. Eg brukte mi eiga oppskrift på bollar der eg erstattar noko av smøret med eit egg.

Viss ein ikkje vil at dei skal heve inn i kvarandre, må ein steike på to plater.

Er dette heksesuppe?

2010-09-18T14:55:00.000+02:00

Denne veka har vi laga minestronesuppe på skulekjøkenet. Desserten har vore surmjølkslappar (repetisjon av røre). Ein av elevane synest å kjenne att suppa: Er dette heksesuppe? Då forstod eg kvar læraren på barneskulen (Bigset?) hadde funne oppskrifta! Og ho er nokså lik den vi brukar på ungdomsskulen.

Eg har reklamert for denne boka før. Det er ei kokebok for barn som inneheld oppskrifter for heile familien. Det er enkel mat som er pent framstilt etter årstidene. Om boka er i handelen lenger, veit eg ikkje.

Mi erfaring er at nokre elevar er skeptiske på denne suppa, heilt til dei smakar ho!

Leiketøy for vaksne damer?

2010-09-17T19:15:00.000+02:00

Arbeidet bør i alle fall gå som ein leik med denne maskina!

Flust lokka med gratis porto denne veka, så no hadde eg endeleg nok trumf til å få denne foodprosessoren som eg har ønska meg lenge. Det er den einaste eg har sett som har såkalla Cube Cutter-funksjon. I dag måtte den sjølvsagt prøvast. Det vart til at eg laga minestronesuppe med små bitar av poteter, skvåsj og gulrot.

P.S.
Den gamle foodprosessoren, som eg har kome fram til er 17 år, har eg gitt vekk.

Over Eidet etter bøker?

2010-09-16T21:02:00.002+02:00

For å vere heilt ærleg, så var vel bibliotekbesøket helst eit påskot for å også stikke innom butikkar med 40 og 50% på alle varer. På biblioteket var eg einaste kunde. På Amfi var der ikkje verande. Parkeringsplassen var full på kveldstid. Når eg ser fleire lange køar framfor kassene, snur eg i døra. Då får sal vere sal.

Stor stas i stova

2010-09-15T20:34:00.001+02:00

Om eg hadde kalla gårsdagens innlegg "Velkomen etter I", så kunne eg ha kalla dagens innlegg "Velkomen etter II". Eg får ting slik eg vil ha dei.

Riks-TV har no bestemt at om ein er kunde hos dei, kan ein få sjå kanalane deira i alle rom utan å betale ekstra. Om det var fire TV ekstra ein kunne ha eller fire til saman, hugsar eg ikkje. For her vert det i tre rom. Fotballkampar og TV2 kan ein no sjå på romma i kjellaren! No må eg berre kjøpe to ekstra kort som kostar 200 kr stk, ei eingongsinvestering. Thank you Riks-TV!

Meldt meg inn

2010-09-14T16:58:00.000+02:00

I går melde eg meg inn i ein bokklubb etter min smak. Ein må bestille bøker, ikkje avbestille! For kvar bok du kjøper til normal, litt nedsett pris, kan du kjøpe ei rimeleg bok. Elles får du informasjon på e-post. Du må vere medlem, d.v.s. motta e-post i eitt år. Haken ved dette? Ein kan vel verte freista ...

Sjekk her: http://www.litteraturklubben.no/general/display.asp?iFileID=1141693&sKey=000&title=Forsiden

Lik pris!

2010-09-13T17:05:00.000+02:00

Coop har kome med økologisk ekstra lett mjølk til same pris som Tine si mjølk med D-vitamin (kr. 14,40). I følgje mjølkedrikkarane smakar mjølka svært godt. Eg lurer på miljøgevinsten når mjølka vert køyrt frå Røros.

Bok 41: Nummer 7 i serien

2010-09-12T13:44:00.000+02:00

Det vart til at eg kasta meg over denne boka for å ha underhaldning til bærplukking og husarbeid.

Dette er den sjuande romanen med førstebetjent Frølich og Gunnarstranda. Eg har lese nokre av dei tidlegare. Denne innfrir forventningane. Romanen er underhaldande, men manglar det vesle ekstra. Terningkast 4 frå meg.

Husmordag

2010-09-11T21:36:00.000+02:00

I fjor kjøpte eg meg ny saftkokar og brukte han mykje. I år har vi ikkje så mykje bær, men det har vorte nokre runder med saft. Eg fyller kokaren med bær og 1 kg sukker. Den første safta er finast, så den puttar eg i frysaren til seinare bruk. Resten har eg i muggar og set i kjøleskåpet. I dag plukka vi mest grøne stikkelsbær som gir oransje saft.

Til middag laga eg kyllingforma som de kanskje hugsar frå i vår. Kjøtdeigen var av typen Deal, eller få attpå som eg kallar han. Denne forma vart til overs, og eg har gøymt den til i morgon. Journalisten skal relativt tidleg på jobb. Så då kan han få litt til lunsj.

Slik såg brøda ut i min barndom. Dei sprakk litt i dag, men det er betre enn at dei vert smuldrete.

Dagens fangst. No har fiskaren nettopp kome heim med to langer og ein hai. Sjekk blikket! Haien vert kattemat om blogglesarane ikkje har eit betre forslag!

Dårleg teikn

2010-09-11T13:00:00.000+02:00

Også i dag har Sunnmørsposten ei heil side om piggsvin; "Piggsvin trenger hjelp". Vi kan lese at ein hard vinter gjer at piggsvina slit meir enn vanleg i år. Ungane er fødde seint, og dei kan få problem med å nå 750 g til vinterdvalen i oktober.

Piggsvinungar ute på dagtid er eit teikn på at noko er gale. Kva kan ein gjere? På http://www.pinnsvinhjelpen.com/26623361 kan ein lese om kva ein bør gje dei. "Våre piggsvin" stel frå katten. Når vi ligg med ope soveromsvindauge, høyrer vi at det er piggsvin som knaskar i seg tørrfor og ikkje katten.

Så spørs det om Pelle dukkar opp så vi får legge han på kjøkenvekta.

Bok 40: Finsk-estisk

2010-09-10T19:28:00.002+02:00

Då eg fann denne boka på biblioteket, var det noko kjent med den. Eg har sikkert høyrt og lese om henne. Sidan den har fått Nordisk råds litteraturpris, ville eg gje boka ein sjanse, sjølv om eg i utgangspunktet var litt skeptisk til den unge forfattaren.

Eg let meg rive med i forteljinga om dei to kvinneskjebnene. Hopping i tid, krev konsentrasjon når ein høyrer lydbok. Men få namn og elles enkel oppbygning gjorde at eg greidde å henge med. Dette er ikkje ei krimbok, men spenning finn ein likevel! Terningkast 6 frå meg.

Bildet er tatt frå Dagsavisen. der kan de og lese meir om boka.

Her kan de finne opplesing(lydspor).

Seikarbonadar

2010-09-09T18:52:00.000+02:00

Når mannen i huset skal lage middag tyr han gjerne til steikt fisk og kokte poteter. Tilbehøret er raspa gulrot. Når eg skal lage fiskemiddag, så må eg stå for variasjonen. I dag tok eg utgangspunkt i nokre søtpoteter som eg kjøpte på Mega i byen i går. Der låg forresten nokre bittesmå jordskokkar ved sida av. Det har eg rikeleg av i hagen, men eg har ikkje begynt å hauste av dei enno.

I dag bestemte eg meg for at grønsakene skulle vere runde. Eg hadde skvåsj, løk, poteter og søtpoteter. Eg risla over olivenolje og krydra med salt, pepar og Cemo potetkrydder. Eg synest det vert best resultat når grønsakene har god plass. Så får ein ha det opp i noko penare når ein serverer dei.

Besta har reklamert for denne oppskrifta som i den gule kokeboka heiter "Grove seiburgarar". Mine var litt halvgrove med tanke på dei som skal ete dei.

1 ms hakka løk
ca 300 g seifilet
1/2 ts salt
1 krm pepar
2 ts potetmjøl

(1 båt kvitløk)
(1 ms grasløk, timian, finklipt)
3/4 dl iskald lettmjølk/vatn

Eg hakka løken i foodprosessoren først. Deretter hadde eg i fisk og pepar, køyrde det forsiktig nokre sekund før eg spedde med mjølka. Ei slik oppskrift gir 4 karbonadar.

Skuletur på Skolma

2010-09-08T15:28:00.001+02:00

I dag var eg så heldig å få gå saman med tiandeklassingane på Skolma.

Utsikt mot Godøya.

Bading i Brandal.

Då vi kom ned frå fjellet, hadde nokre elevar allereie tatt seg ein dukkert. Denne karen tok baklengs salto (?)til ære for (?)for fotografen. Brandølingane har plassert ei Ekornes sofagruppe ytterst på brygga. Der sat gutta boys og kosa seg.

På utstilling

2010-09-07T17:49:00.000+02:00

Når det er besøk her, bruker gjestene å få helse på dyra etter tur. Søndag dukka Pelle Piggsvin opp. Besten fekk vise frøkna korleis ein kan vise fram eit piggsvin til fotografen.

Stakkars Pelle har krølla seg til ein ball!

Er han ikkje søt?

Etter fotoseansen åt han seg litt meir kattemat før han rusla vidare.

Ny kasse ...

2010-09-06T20:57:00.001+02:00

... med lydbøker på biblioteket i dag. Dei kjem frå bya. Der var mange eg hadde lese før, men og nokre godbitar. Satsar på å lese den oppe til venstre når eg er ferdig med den eg held på med no.

P.S.
Dei som er interesserte i fotball, får følgje med her. Nydeleg ver og god stemning på stadion i dag. Tippar referatet kjem seint i kveld.

Sunnmørstur

2010-09-05T21:11:00.001+02:00

I dag hadde vi besøk av nordfjordingar som fekk sjå Sunnmøre på det finaste!

Vi tok dei med til Brandal og vidare til Kvitneset. Lufta er klår når det skin opp på denne tida av året.

Tyskarane hadde stillingar der under 2. verdskrig. Der var og russiske fangar.

Ein vasspost?

Vaktarrest.

Ammunisjonslager.

Gangar inni ammunisjonslageret.

Eg fekk ei gåve kjøpt i denne butikken. Den skal få pynte opp på badet ei stund før eg tek dei i bruk.

Anna Anka-parodi (Komiprisen 2010)

2010-09-04T23:05:00.000+02:00

Kantinerundstykke

2010-09-03T20:11:00.000+02:00

I år har vi kome i gang med eit tverrfagleg opplegg på onsdagane. Eg har kantinegruppa for tida. Som de veit er eg alltid på jakt etter lettvinte løysingar. I år er har eg laga ny oppskrift på kantinerundstykke. Eg har desse ingrediensane i bollen på Kenwoodmaskina:

2 pk gjær
1 l mjølk
1 kg grovbakst
1 kg kornbrød (Møllerens bakemix)
3 dl kokvarmt vatn (på toppen!)

Maskina får kna deigen i 5 minutt.
Etter ein halv time kan elevane trille ut emne på 80 gram til runde og fine rundstykke.

Onsdagane har eg laga eit par bolledeigar klokka 8. Dei vert ferdig heva til klokka 9 når vi startar. Ein elev får då i oppdrag å lage 2 deigar til rundstykke som dei kan trille ut etterpå. Då set eg berre alle ingrediensane på benken. Det einaste dei må hugse er det varme vatnet som vi kokar i vasskokaren. Enklare kan det vel ikkje gjerast?

Flora og fauna

2010-09-02T19:22:00.000+02:00

Eg har skrytt av at mange av plantane mine har fått ein ny vår. Eit døme er denne gerberaen som eg fekk av kollega og venninne A 20. februar i år. Vanlegvis ser eg på gerbera som ein bukett på rot. Men eg sette den inn på eit bakrom før eg sette den ut på på eit bord på altanen.

Desse campanulaene pynta eg med inne same dag. Dei har blomstra lenge i sommar. Fleire potteroser som eg fekk rundt 1. juli, står no med nye knuppar. Dei eg kjøpte tidleg på våren står ute i beda med knuppar.

Stargazerliljene kjøpte eg som før fortalt, i krukker i fjor. Er dei ikkje flotte!

Stauden hagegullris(?).

Pelargonien viser seg å bli lysrosa, ja.

Medan eg fotograferte ute, høyrde eg ein merkeleg, ganske høg lyd. Det var det vesle piggsvinet som forsynte seg av kattematen. Katten jagar det ikkje vekk. I følgje katteeigaren er det fordi det er billeg kattemat som Lucy ikkje liker. Piggsvinet er ikkje så fin på det, og vi ser at det veks. I Sunnmørsposten las vi at piggsvin gjerne kan få både kattemat og hundemat, men absolutt ikkje mjølk. Berrre 20 % av ungane lever opp. Ein får stelle pent med dei!

Bok 39: meir norsk krim

2010-09-01T21:25:00.001+02:00

Eg var i utgangspunktet litt skeptisk til denne romanen. "Alle" skal liksom skrive krim for tida. Med eit slikt utgangspunkt vert ein ofte positivt overraska.

Eg likte sjølve krimgåta og oppklaringa. Her har vi med noko så sjeldan som ein norsk seriemordar å gjere. Privatlivet til etterforskaren er ikkje spesielt originalt. Språket er rett fram og greitt.

Les gjerne meir her.

Lik pris?

2010-08-31T21:29:00.000+02:00

Blogglesarane ventar vel på eit lite livsteikn frå meg? Det er foreldremøtetid! Men i dag skal de få eit spørsmål: Kor stor er priskinaden på ein liter lettmjølk på to ulike matbutikkar på Hareid?

P.S.

Er det rart dei spør om ein vil ha lappen?

Bibliotek

2010-08-30T19:33:00.000+02:00

I dag køyrde Øystein på juniorkamp i Langevågen. Sidan eg vart utan bil, sykla eg ein tur på biblioteket. Eg har levert inn Drømmehjerte ulest. Etter utallige forsøk på å legge den inn på MP3-en gav eg opp. Same kor eg vreid og vende, kom spora inn i motsett rekkjefølgje, og eg forstår ingenting! Ikkje minst fordi eg har fått det til før.

Les meir om Sofi Oksanen her.

Om det vert bakt noko frå bakeboka, vil tida vise.

Kva heiter fisken?

2010-08-29T20:40:00.001+02:00

Yngstemann har vore på fisketur. Han fekk lange, lyr og ein liten uer til katten. Kva har han i handa? Er det ei sild med utståande auge?

Dei fem finaste III

2010-08-29T17:06:00.000+02:00

I dag var vi på Alskleiva utan fotoapparat, så blogglesarane får nøye seg med nokre bilde frå hagen.

Eg har trudd dette er ei svart stokkrose. Det er i alle fall ein staude.

Eg veit ikkje kva denne heiter. Kanskje ein blogglesar veit? Den står ved sida av den svarte. Det synest eg er ein fin fargekombinasjon. Dessverre har der vore nokon å ete på blada på begge plantane. Eg trur det er små snoglar med hus. Etter at eg har rista litt på dei, har det kome seg. Om ristinga er grunnen, veit eg ikkje.

Dette er ei Vikingrose. Den kryp utover.

Stargazer, kjøpt i krukker i fjor, står snart i blomst.

Ashramrose.

Dei rosa astilbene må flyttast til våren, elles vert dei kvelt.

Det var nokon som etterlyste den blå valmuesøstra i albautgåve. I fjor delte eg den, og flytta mesteparten ein stad dei har omkome. Eg gav vekk noko av den som eg håper har overlevd. Der det er liv, er det håp, så denne kjem seg nok til att.

Nytt nyttedyr

2010-08-28T16:27:00.000+02:00

I dag køyrde vi Olaug og ei venninne til Sjøholt på øvingshelg med skulekorpset. Det vil seie, eg vart sett av og plukka opp på Moa. På Åhlens fann vi dette piggsvinet til å børste av skitne sko på. Eg tippar at ein kan kome til å kippe seg når ein treff på dette rett utanfor døra føe ein vert van med det.

Sist eg såg eit slikt eldfast litermål, slo eg det frå meg. Noko eg angra på, for det ville vere fint å putte i mikroen til dømes. I dag fekk eg ei positiv overrasking i kassa. Der var ein eller annan sort dag på Moa i dag, og eg fekk 20% avslag.

Som de veit, er eg motstader av "Kjøp 3 betal for to", men i dag stod Øystein med ein pakke strømper i handa. Kjøp 12 like, seier eg, så vert paringa eit mindre problem. Heldigvis valde han same fargen som studenten. I Oslo var det 12 par for 199. Det kjøpte eg og la på hybelen. Før eller sidan vert alle blanda, og den som brettar kle får ein enklare jobb.

Bok 38: Frå Tønsberg til Dar-es-Salaam

2010-08-27T19:05:00.002+02:00

Eg har tidlegare samanlikna Mehlum med Staalesen. Dei har begge humor og ironi smetta inn i forteljinga. Sarkasmane til Mehlum gjer bøkene artige å lese. Boka er skriven i eg-form. Krimhelten heiter Svend Foyn og eig ein St Bernhardshund.

I denne boka reiser han fleire turar til Tanzania der saka har forgreiningar. Eg skal ikkje gje meg til å forklare mysteriet. Det kan ikkje gjerast kortfatta.

Boka høver godt som lydbok.
Eg såg at kvar vaksen person i Hareid ikkje låner meir enn to bøker kvar på biblioteket i året! Lån og les!